IJAI 41:8 - Bibəl ta Sar̄

⁸ Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

Bible sar

⁸ Banī ḭ̄ *Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 41:8 Referans Kwoze

JAKƏ 2:23

kadə̄ najə̄ ń ndangən̄ na Abəraham taā kem Nə́ɓā, ba Nə́ɓā na ɓārə́n na i de kə́ gōtə́ kə gō taā kem yānneé, adə̄ na ɓārə́n na i madə̄ tan ní udə gírí majə ō.

2 YÁ̰A̰ GƏ̄ 20:7

Nə́ɓā yājí, i ḭ̄ n ī-tə̄ɓā de kə́ dɔ nang ń toō tə́ gə̄ kɔ̄ɔ́ no Israel ń i gír deē yāí gə̄ ní tə́, ba ādə̄ ngán kaa madí Abəraham dɔ nang ń toō kə́ yādə́ tə́ ní aĺ a?

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

IJAI 29:22

I tām̄ najə̄ ń toō tə́ ń, Kɔ́ɔ̄ɓē ń ajə Abəraham ní ɔr̄ najə̄ kə kojə yā Jakob gēé i beé ní: Ngɔlaā ní gír deē yā Jakob gə̄ a nalə̄n̄ yá̰á̰ ń nin̄ əndan̄ kemdə́ dɔ tə́ ní to̰ alé, rɔ̄də́ a sɔl̄də́ ngá̰ý to̰ alé.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

IJAI 49:3

Ni ədam̄ na: Israel, ḭ̄ i nge kəla yāḿ. M-ā m-ɔ́jə kɔsə gɔn yāḿ i kə ta kūlīí.

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

LEBI GƏ̄ 25:42

Tɔdɔ̄ ngán Israel gə̄ i ngé kəla yāḿ gə̄ kə́ m̄-teē sedə́ kɔ̄ɔ́ Ejiptə tə́. Deē a igə sedə́ tītə̄ loo kigə kə ɓəlo gēé alé.

GALATƏ 3:19

Ré i beé anī, əndān̄ ndū najə̄ i tām̄ rí tə́? Əndān̄ ndū najə̄ dɔ kənī míndə́ tə́ i yā kadə̄ mān̄ dɔ ndū najə̄ ɔjəń rɔ̄n kə̄ ndágá, yā ngóōń ta reē ngōn̄ kaa ń kənī míndə i tām̄ yān tə́ ní. I de kə́ dɔ rā̰ tə́ gə̄ n teēn̄ kə ndū najə̄ ní, kə ta kūl̄ jī nge ra mbənā tə́ kógə̄ḿ.

PĀ GƏ̄ 136:22

Adə̄ Israel ń i nge kəla yān ní yá̰a̰ ndəbā tə́, tɔdɔ̄ kem majə yān to ngándáńg.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 42:19

I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

IJAI 45:4

I tām̄ Jakob nge kəla yāḿ tə́, a̰á̰ā̰, i najə̄ yā Israel ń m̄-gə̄rān ní tə́ n m̄-ɓāríiń kə rīí ní. m̄-rɔyī i dan ń ḭ̄ ī-gerə̄m̄ aĺ ɓáý ní.

MALASI 1:2

Kɔ́ɔ̄ɓē əda gír deē yān gə̄ wáńg na: Mā Kɔ́ɔ̄ɓē m̄-táŕsí, banī sḭḭ̄ ī-dəjemī najə̄ ə́daī na ké yá̰á̰ ń ɔjə kadə̄ m̄-táŕsí ní ké i rí wa. m̄-tél m̄-tūr̄sí m-ə́da na: Kété ní, Esau i ngōkó̰o̰ Jakob aĺ a? Ɓá tā ba m̄-gḛy i Jakob

PĀ GƏ̄ 136:21

Gō tə́ anī un dɔ nang yādə́ adə̄ yá̰a̰ ndəbā tə́, tɔdɔ̄ kem majə yān to ngándáńg.