IJAI 41:4 - Bibəl ta Sar̄

⁴ Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

Bible sar

⁴ Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

IJAI 41:4 Referans Kwoze

JEJU TEĒ KUM JA̰A̰ 22:13

Mā i Alpa ō, Omega ō, nge kə́ kété ō kə́ gogə́ ō, ta kəla gír ō ta tɔ̄l̄ ta ō.

IJAI 48:12

Kɔ́ɔ̄ɓē əda na: Gír de gə̄ yā Jakob, Israel, ḭ̄ ń m̄-ɓāríī ní, ōō najə̄ yāḿ. m̄-to i kum gotəḿ ngándáńg. Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

IJAI 41:26

I náā n əda yá̰á̰ ń noō kété ta kəla gíŕ tə́ yā rāań kadə̄ jə-ger̄ ní? I náā n tāājí kété jóo yā kadə̄ j-ədań na: I najə̄ kə́ rɔ̄kum ní? De kə́ əda yá̰á̰ kógə̄ḿ kété gətóo, de kə́ teē tan gətóo, najə̄ kógə̄ḿ kə́ teē tasí tə́ gə̄gē deē oō alé!

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

KƏLA RĀĀ 17:26

Ni-əndā gíŕ nápar de gə̄ malang i kə de kə́ kal kógə̄ḿ beē ō, əndādə́ dɔ nang tə́ malang ō. Ni-rāā ɓar ō ɓāl̄ ō tām̄ yādə́ tə́ ō, ɔjə dɔ nin̄ loo gə̄ ń kadə̄ ndin̄ tū tə́ ní ō.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

IJAI 42:24

I náā n əla Israel ń i gír de gə̄ yā Jakob ní jī ngé gə̄ ń taān̄ yá̰a̰ yān malang kɔ̄ɔ́ tə́ ní, jī ngé gə̄ ń ɔyn̄ yá̰a̰ yān dɔ gúú tə́ ní? I Kɔ́ɔ̄ɓē waḿ? Tām̄ jə-rāāī majaĺ seneé, gír deē yān gə̄ ndigən̄ kun róbə yān alé, ndigən̄ koō ndū najə̄ yān aĺ ō.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

IJAI 40:12

I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

PĀ GƏ̄ 102:27

Yá̰a̰ gə̄ ń noō a gətóon̄ kɔ̄ɔ́ banī ḭ̄ ā ī-ndi kum gotií. Nin̄ malang a ngísən̄ tītə̄ kūbə̄ kə́ əsō ngísə beé. Ḭ̄ ā ī-mbél̄ gíŕdə́ tītə̄ loo mbél̄ gír kūbə̄ beé ō, nin̄ a aw̄n̄ kɔ̄ɔ́ yā kəya̰ń loo ō.

IJAI 41:3

Deē ní ngɔ̄də̄də́, ni-aw̄ láẃ ngá̰ý kum kə̄ kété, ni sōl̄ yá̰á̰ kógə̄ḿ alé, kanjə̄ kadə̄ ni-əndā njan nang tə́.

IJAI 43:13

A̰á̰ā̰, mā i ni ta kəla gíŕ tə́ nú ō, de kə́ asə taā deē jīḿ tə́ gətóo ō. Dan ń m̄-rāā yá̰á̰ kógə̄ḿ anī, de kə́ asə tūr̄ yá̰á̰ ní gətóo.

PĀ GƏ̄ 102:28

Banī ḭ̄ ī-ndi kum gotií, ta tɔ̄l̄ ta ndɔ̄í gətóo.

IJAI 41:20

Loo ń noō tə́ de gə̄ malang a a̰a̰n̄ yá̰á̰ ń toō: I Kɔ́ɔ̄ɓē n rāā yá̰a̰ gə̄ ń noō adə̄ udə gírí ní, i Nə́ɓā kə́ táĺ yā Israel rāādə́ ní. De gə̄ malang a gerə̄n̄. Nin̄ malang a əndān̄ kumdə́ gírí ō, a gerə̄n̄ kum ō.