IJAI 41:22 - Bibəl ta Sar̄

²² Ī-ndɔ́tī kə̄ kété ba ə́daījí yá̰á̰ ń a rāā yā rāā yá̰á̰ ní! Yá̰á̰ ń rāā yá̰a̰ kɔ̄ɔ́ ɓá ní i rí? Ɔ́jiī yá̰á̰ ní, anī j-a jə-gír̄ yá̰a̰ dɔ tə́. Aĺ ɓáa ə́daījí najə̄ kə́ dɔ taa kə́ ndɔ̄ń tə́, anī yá̰á̰ ń a rāā yā reē ní, j-a jə-ger̄.

Bible sar

²² Ī-ndɔ́tī kə̄ kété ba ə́daījí yá̰á̰ ń a rāā yā rāā yá̰á̰ ní! Yá̰á̰ ń rāā yá̰a̰ kɔ̄ɔ́ ɓá ní i rí? Ɔ́jiī yá̰á̰ ní, anī j-a jə-gír̄ yá̰a̰ dɔ tə́. Aĺ ɓáa ə́daījí najə̄ kə́ dɔ taa kə́ ndɔ̄ń tə́, anī yá̰á̰ ń a rāā yā reē ní, j-a jə-ger̄.

IJAI 41:22 Referans Kwoze

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

IJAI 44:7

I náā ń asə seḿ? Deē ń asə seḿ ní ādə̄ kɔ́ɔ̄ əga mbēr̄ dɔ tə́, ādə̄ kɔ́ɔ̄ əda ō, ɔjəm̄ adə̄ m̄-ger̄ kum ō! Ādə̄ ni-əda yá̰a̰ gə̄ ń rāān̄ yá̰a̰ dan ń m̄-rāań gír de gə̄ kə́ ta kəga dɔ ní ō, yá̰á̰ ń a rāā yā rāā yá̰á̰ ní, ādə̄ ni-əda kété ō.

JA̰A̰ 16:14

Ni a ɔsə gɔnəḿ, tɔdɔ̄ a taā dām̄ yá̰a̰ yāḿ yā kədasí.

JA̰A̰ 13:19

M-ə́dásí ngɔr ń toō tə́ pá tá kadə̄ yá̰á̰ ní ugə̄ ɓáý, yā kadə̄ loo ń ugə̄ anī, ī-taāī kem kadə̄ Mā i Mā ń m̄-ndi noó ní.

IJAI 42:9

Yá̰á̰ kə́ ta kəga dɔ gə̄ rāān̄ yá̰a̰ kɔ̄ɔ́ ɓá. Ngɔlaā ní m-ə́dásí najə̄ yā ngé kə́ kijə gə̄ ń a reēn̄ ní. M-ə́dásí najə̄n adə̄ ī-gerī kété pá tá kadə̄ rāān̄ yá̰á̰ ɓáý.

IJAI 41:26

I náā n əda yá̰á̰ ń noō kété ta kəla gíŕ tə́ yā rāań kadə̄ jə-ger̄ ní? I náā n tāājí kété jóo yā kadə̄ j-ədań na: I najə̄ kə́ rɔ̄kum ní? De kə́ əda yá̰á̰ kógə̄ḿ kété gətóo, de kə́ teē tan gətóo, najə̄ kógə̄ḿ kə́ teē tasí tə́ gə̄gē deē oō alé!

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.