IJAI 41:21 - Bibəl ta Sar̄

²¹ Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

Bible sar

²¹ Kɔ́ɔ̄ɓē, mban̄g yā gír de gə̄ yā Jakob gə̄, əda na: Sḭḭ̄, nə́ɓā gə̄ yā gotə gír de kə́ rang gə̄, ī-reē ɔ́jiī yāsí, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum.

IJAI 41:21 Referans Kwoze

Makətūbə̄ yā Job 38:3

I beé ní, ī-ndi dəngam dɔ rɔ̄í tə́ na m-ā m̄-dəjeī najə̄ ō, ā ɔ́jəm̄ yá̰a̰ kadə̄ m̄-ger̄ ō.

Makətūbə̄ yā Job 31:37

A̰á̰ā̰, m-ā m-ɔ́jə́ Nə́ɓā tóo njaḿ gə̄. M-ā m-āw̄ kə̄ rɔ̄n tə́ i tītə̄ ngōn̄ mban̄g beé.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

IJAI 43:9

Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

IJAI 43:15

Mā i Kɔ́ɔ̄ɓē ō, Nə́ɓā yāsí kə́ táĺ nge kəndā Israel, mban̄g yāsí.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.