IJAI 41:2 - Bibəl ta Sar̄

² De kógə̄ḿ əsō róbó a reē noó, ni-ḭḭ i dām̄ kə́ gír ɓē tə́. Loo malang ń ni mān̄ tū tə́ ní tetə rɔ̄ɔ̄. Deē ń rāā adə̄ ni-əsō róbó a reē ní i náā? I náā n əla nápar de gə̄ kem jīn tə́ ní? I náā n əla dɔ mban̄g gə̄ gíŕ tɔ́gə yān tə́ ní? Kaskar yān rāā adə̄ nin̄ télən̄ bumbə́ru, kum gərā yān tə̄ɓādə́ tītə̄ néĺ kə́ un mu aw̄ń kɔ̄ɔ́ beē.

Bible sar

² De kógə̄ḿ əsō róbó a reē noó, ni-ḭḭ i dām̄ kə́ gír ɓē tə́. Loo malang ń ni mān̄ tū tə́ ní tetə rɔ̄ɔ̄. Deē ń rāā adə̄ ni-əsō róbó a reē ní i náā? I náā n əla nápar de gə̄ kem jīn tə́ ní? I náā n əla dɔ mban̄g gə̄ gíŕ tɔ́gə yān tə́ ní? Kaskar yān rāā adə̄ nin̄ télən̄ bumbə́ru, kum gərā yān tə̄ɓādə́ tītə̄ néĺ kə́ un mu aw̄ń kɔ̄ɔ́ beē.

IJAI 41:2 Referans Kwoze

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

2 SAMUEL 22:43

m̄-rāādə́ bumbə́rú tə́. m̄-rējə̄də́, m̄-tə́ɓādə́ tītə̄ bɔr kə́ kum róbó beē.

IJAI 46:11

m̄-ɓāŕ deē kógə̄ḿ sa̰y ngá̰ý dām̄ kə́ gír ɓē tə́, deē ní ngan̄g tītə̄ kərō beé. Yá̰a̰ gə̄ ń m̄-núm̄ ní, i ni n a rāādə́ kadə̄ reē udən̄ gírí ní. Yá̰á̰ m-ə́dá ní, m̄-rāā yá̰á̰ ní. Yá̰á̰ ń m̄-núm̄ ní, m̄-rāā yá̰á̰ ní adə̄ udə gírí.

IJAI 41:25

m̄-rāā adə̄ deē kógə̄ḿ ḭḭ dām̄ mbɔ́r ɓē kə́ ko̰ó̰ tə́ a reé noó. Loo ń mbang əɓa tū tə́ ní, m̄-ɓārə́n kə rīneé. Ni rējə̄ ngé kɔr no de gə̄ tītə̄ loo mbə̄sā bɔr beé, tītə̄ ń kɔdə̄ jóo a rējəń nánjə kə jīneé ní beē.

IJAI 40:24

Ɓārə́n̄ rīdə́ i ngɔr ɓáý, ndin̄ i ngɔr ɓáý, əlan̄ ngəradə́ aĺ ɓáý, anī Kɔ́ɔ̄ɓē tóódə́ kə koō kə́ tan tə́ kɔ̄ɔ́ ɓá. Anī nin̄ tutən̄ ō, nél man̄ kə́ əla kə tɔ́gɔ́ ɔydə́ tītə̄ mu beé aw̄ sedə́ kɔ̄ɔ́ ō.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

IJAI 45:13

I mā n m̄-rāā kadə̄ dəngam ń noō ɔr̄ dɔɔ́ yā reē ní, i kə ta kūl̄ kun ndū kə́ gōtə́ ō, yá̰a̰ gə̄ ń dēsə́n̄ rɔ̄də́ non tə́ ɔgə̄nən̄ mān̄ ní, m-ā m̄-ró̰ȳdə́ kɔ̄ɔ́ ō. Jerusalem ń i ɓē yāḿ ní, i ni n i nge tél rāān gogə́ ní. De gə̄ yāḿ gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a rāā kadə̄ nin̄ tél reēn̄ gogə́. Nin̄ a əgān̄ yá̰á̰ kógə̄ḿ aĺ ō, a adə̄n̄ yá̰á̰ kógə̄ḿ aĺ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

2 YÁ̰A̰ GƏ̄ 36:23

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́ adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā dɔḿ tə́ kadə̄ m̄-rāā kújə́ kógə̄ḿ Jerusalem kə́ Juda tə́ kə m-ādə̄n ō. Ní, i náā kə́ dansí tə́ n i de kə́ gírən teē i dan deē yān gə̄ tə́ ní? Ādə̄ Kɔ́ɔ̄ɓē Nə́ɓā yān i seneé ō, ādə̄ kɔ́ɔ̄ aw̄ ō.

HEBƏRO 7:1

Melkisedek ngeé ń toō ni i mban̄g kə́ Salem tə́ ō, nge tun̄ yá̰a̰ yā Nə́ɓā kə́ dɔɔ́ ō. Dan ń Abəraham tetə mban̄g gə̄ rɔ̄ɔ̄ ba a tél a reē kə̄ ɓēé anī, Melkisedek ɔjə non ba tɔ́r̄ tan dɔn tə́.

2 MBAN̄G 13:7

Ngé rɔ̄ɔ̄ gə̄ ń əya̰n̄də́ adə̄n̄ Joakajə ní, ngé kal̄ sə́nda gə̄ i kutə mí ō, púsə rɔ̄ɔ̄ gə̄ i kutə kógə̄ḿ ō, ngé rɔ̄ɔ̄ kə́ ngé njə̄rā kə njadə́ gə̄ i dūbú kutə kógə̄ḿ ō ngóy. Tɔdɔ̄ mban̄g kə́ Aram tɔ̄l̄ gotə gə̄ ngá̰ý kɔ̄ɔ́. Ni rāādə́ i bumbə́ru nja de gə̄ tə́.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

JEJU TEĒ KUM JA̰A̰ 7:2

Anī m-á̰a̰ de kə́ dɔ rā̰ tə́ kógə̄ḿ kə́ rang ḭḭ gír ɓē tə́. Ni-əhɔ mbō̰ yā Nə́ɓā kə́ ndi kə kumneé jīn tə́. Ni əga kɔŕ ngá̰ý ədań de kə́ dɔ rā̰ tə́ kə́ sɔ́ gə̄ ń adə̄n̄də́ kadə̄ nujən̄ dɔ nang ō, bā bo ō ní na:

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

IJAI 41:3

Deē ní ngɔ̄də̄də́, ni-aw̄ láẃ ngá̰ý kum kə̄ kété, ni sōl̄ yá̰á̰ kógə̄ḿ alé, kanjə̄ kadə̄ ni-əndā njan nang tə́.

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.

NŌŌ RƆ̄ 1:15

Kɔ́ɔ̄ɓē tə̄ɓā go̰ rɔ̄ɔ̄ gə̄ malang ń i seḿ ní kɔ̄ɔ́. Ni-ɔsə dɔ de kə́ ngá̰ý gə̄ naā tə́ kə rīḿ, kadə̄ reē rējə̄n̄ balsáa yāḿ gə̄. Kɔ́ɔ̄ɓē mbə́rē ngōmandə kə́ Juda tə́ tītə̄ kan̄ kāgə̄ nduú beē.