IJAI 41:19 - Bibəl ta Sar̄

¹⁹ M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

Bible sar

¹⁹ M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

IJAI 41:19 Referans Kwoze

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 60:13

Kāgə̄ kə́ majə gə̄ ń Liban a əndań kadən ní, kāgə̄ rāā kújə́ kə́ tayā tayā gə̄, a reēn̄ yā kugə̄ ɓēé looí, ḭ̄ Jerusalem. Nin̄ a rāān̄ kadə̄ loo kə́ táĺ yāḿ a majə. I beé n m-ā m̄-rāań kadə̄ loo ń mā i tū tə́ ní téləń loo kə́ to kɔsə gɔn ní.

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

EJEKIEL 47:12

Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

JAKARI 1:8

Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.