IJAI 41:18 - Bibəl ta Sar̄

¹⁸ M-ā m̄-rāā kadə̄ bā gə̄ nūgə́n̄ loo kə́ kḭḭ kə̄ dɔɔ́ gə̄ kə́ kāgə̄ gə̄ gətóon̄ tū tə́ tə́ ō, m-ā m̄-rāā kadə̄ man̄ kə́ əɓa nang tə́ gə̄ nūgə́n̄ kum wól gə̄ tə́ ō. M-ā m̄-tūr̄ dəla loo kadə̄ tél dang man̄ kə́ bo ō, m-ā m̄-tūr̄ loo kə́ mángá kadə̄ tél loo kə́ man̄ i tū tə́ ō.

Bible sar

¹⁸ M-ā m̄-rāā kadə̄ bā gə̄ nūgə́n̄ loo kə́ kḭḭ kə̄ dɔɔ́ gə̄ kə́ kāgə̄ gə̄ gətóon̄ tū tə́ tə́ ō, m-ā m̄-rāā kadə̄ man̄ kə́ əɓa nang tə́ gə̄ nūgə́n̄ kum wól gə̄ tə́ ō. M-ā m̄-tūr̄ dəla loo kadə̄ tél dang man̄ kə́ bo ō, m-ā m̄-tūr̄ loo kə́ mángá kadə̄ tél loo kə́ man̄ i tū tə́ ō.

IJAI 41:18 Referans Kwoze

PĀ GƏ̄ 107:35

Ni asə rāā kadə̄ dəla loo tél gáŕ man̄ ō, asə rāā kadə̄ loo kə́ kə̄sāá tél kəɓa man̄ ō.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

IJAI 30:25

Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

JAKARI 14:8

Ndɔ̄ ngeé ń noō tə́ ní, man̄ kógə̄ḿ a əɓa nang tə́ kem ɓē kə́ Jerusalem tə́. Núsən kógə̄ḿ a nūgə́ kum kə̄ bā katə̄ tə́ ō, núsən kə́rēý a aw̄ bā bo kə́ no ɓē tə́ ō. Man̄ ní a nūgə́ kə́ njɔ́ḿ gə̄ tə́ ɓāl̄ kógə̄ḿ, a nūgə́ ɓālāá ō, ɓaraá ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

IJAI 48:21

Kem dəla loo ń ni-ɔr̄ Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

PĀ GƏ̄ 105:41

Ni njar mbal̄ anī man̄ teē tū tə́, nūgə́ kem dəla loo tə́ tītə̄ bā beé.

PĀ GƏ̄ 46:4

Ká̰a̰ bā bo gə̄ ní ɓār̄ bu bu ō, húūlú dɔdə́ ḭḭ puk puk ō, bā bo gə̄ ní ḭḭn̄ ō, mbal̄ bo gə̄ ndāmə̄n̄ ngingin ō.

PĀ GƏ̄ 104:10

Ni-rāā adə̄ man̄ kə́ əɓa nang tə́ nūgə́ aw̄ kum wól loo tə́, man̄ ní tétə̄ rɔ̄n kə mbo̰ō̰ mbal̄ gēé.

IJAI 33:21

Kɔ́ɔ̄ɓē a ɔjə kadə̄ ni i de kə́ majə ngá̰ý i loo ń noō tə́. Ndɔ̄ń tə́ ɓáa loo ní i gō nang yā bā kə́ bo gə̄ ō, i loo kə́ ndērə̄n̄ bəlo kə́ laa kə́ ra kə ngālāá gə̄ tū tə́ kadə̄ man̄ mānəń. Too kə́ yā rɔ̄ɔń gə̄ a mānə̄n̄ tū tə́ alé. Too bo gə̄ a əndan̄ danən yā gān̄g alé.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

NGÉ SARYA 15:19

Loo ń noō tə́ Kɔ́ɔ̄ɓē njar mbal̄ kə́ kemən rāā bəlo ń ra Lehi ní adə̄ man̄ teē tū tə́. Samso̰ a̰ȳ man̄ ní ō, tél ənge tɔ̄gə gogə́ rang ō. I tām̄ najə̄ ń noō tə́ n əndānəń rī dɔ ta kəɓa man̄ ní tə́ na i En Kore ní. Ɓōólaā gə̄gē ta kəɓa man̄ ní to Lehi noó ɓáý.

PĀ GƏ̄ 126:4

Kɔ́ɔ̄ɓē, ī-tél ī-reē kə ɓəlo yājí gēé gogə́ ɓēé, tītə̄ ń man̄ tél reēń kem kārə̄n tə́ kem loo kə́ Negeb tə́ ní.