IJAI 41:16 - Bibəl ta Sar̄

¹⁶ Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

Bible sar

¹⁶ Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ *táĺ yā *Israel tə́.

IJAI 41:16 Referans Kwoze

JEREMI 51:2

M-ā m-ə́la kə tə̄rā gēé kadə̄ tə̄ndā tḭḭ̄n̄ de kə́ Babilon gə̄ kə̄ loo gə̄ tə́, tītə̄ loo tóo təsá beé ō. kadə̄ nujə de kə́ kem ɓēé gə̄ malang kɔ̄ɔ́ ō. A teēn̄ kə̄ rɔ̄də́ tə́ rétə́ gēé kə̄ ta loo gə̄ tə́, ndɔ̄ yá̰á̰ kə́ to kum kaȳ aĺ tə́.

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 5:11

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

IJAI 28:5

Ndɔ̄ kógə̄ḿ tə́ anī, Kɔ́ɔ̄ɓē kə́ bo kə́ tɔ́gən i ngá̰ý ní, nəkɔ́ a tél jākā mbang kə́ majə ngá̰ý, a téĺ yá̰á̰ súū rɔ̄ kə́ yā kənī míndə́ tə́, kə́ yá̰a̰ i ngá̰ý tū tə́, yā de gə̄ kə́ dan gír deē yān gə̄ ń teēn̄ ta yo tə́ ní.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 40:24

Ɓārə́n̄ rīdə́ i ngɔr ɓáý, ndin̄ i ngɔr ɓáý, əlan̄ ngəradə́ aĺ ɓáý, anī Kɔ́ɔ̄ɓē tóódə́ kə koō kə́ tan tə́ kɔ̄ɔ́ ɓá. Anī nin̄ tutən̄ ō, nél man̄ kə́ əla kə tɔ́gɔ́ ɔydə́ tītə̄ mu beé aw̄ sedə́ kɔ̄ɔ́ ō.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

IJAI 65:18

Ādī rɔ̄nel̄ yāsí ɔjə rɔ̄n kə̄ ndágá, ī-rāāī rɔ̄nel̄ kanjə̄ kəya̰ ta najə̄ yā yá̰á̰ ń m-ā m̄-rāā yā rāā tə́ ní. M-ā m̄-rāā Jerusalem kadə̄ a tél i ɓē kə́ rɔ̄nel̄ i ngá̰ý kemeé ō, m-ā m̄-rāā kadə̄ de kə́ kemeé gə̄ a télən̄ i gír de gə̄ kə́ rɔ̄nel̄ yādə́ a ɔjə rɔ̄n kə̄ ndágá.

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.