IJAI 41:15 - Bibəl ta Sar̄

¹⁵ M-ā m̄-rāāī yá̰a̰ rāā kəla kə́ kijə kə́ to kijə tə́, yá̰a̰ jɔ̄r̄yɔ̄ nán̄g ta kɔsə kə́ ta ngāngən i kə́ atə tə́. Ā ī-rējə̄ mbal̄ gə̄, ā ī-tūr̄də́ kadə̄ télən̄ bumbə́ru ō, ngán mbal̄ gə̄ ɓáa ā ī-rāādə́ i mu tə́ ō.

Bible sar

¹⁵ M-ā m̄-rāāī yá̰a̰ rāā kəla kə́ kijə kə́ to kijə tə́, yá̰a̰ jɔ̄r̄yɔ̄ nán̄g ta kɔsə kə́ ta ngāngən i kə́ atə tə́. Ā ī-rējə̄ mbal̄ gə̄, ā ī-tūr̄də́ kadə̄ télən̄ bumbə́ru ō, ngán mbal̄ gə̄ ɓáa ā ī-rāādə́ i mu tə́ ō.

IJAI 41:15 Referans Kwoze

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

HABAKUK 3:12

Wōn̄g i ngá̰ý kemií tə́ ō, ī-njə̄rā kumií kə̄ kété dɔ nang tə́ ō. Ḭ̄ ī-rējə̄ gotə nápar de gə̄ kɔ̄ɔ́ tɔdɔ̄ wōn̄g rāāī ngá̰ý.

IJAI 21:10

Gír deē yāḿ gə̄, sḭḭ̄ ń əndan̄sí tītə̄ loo kənda kōō gémē beé ndágə looó ní, yá̰á̰ ń m-ōō rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ ní, ni ń i Nə́ɓā yā Israel ní, n noó. I najə̄ kə́ kijə ń m̄-reē kədaī tə́ ní.

IJAI 28:27

Deē a səɓā yá̰a̰ kum tá̰á̰ ń rīn na i nigel ní kə yá̰a̰ səɓā kōō ń a ndɔ́rə̄n̄ dɔ kōō tə́ ní alé. Deē a rāā nja púsə kadə̄ agə dɔ yá̰a̰ kum tá̰á̰ ń rīn na i kumḛ̄ḛ ní tə́ alé. Banī a əndan̄ kádə kōō kə́ dūú gə̄ ń noō i kə kāgāá.

PĀ GƏ̄ 18:42

Nin̄ əgan̄ kɔŕ banī deē dḭḭ̄də́ alé. Nōōn̄ kə̄ dɔ Kɔ́ɔ̄ɓē tə́ banī ədadə́ najə̄ alé.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 42:15

M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

IJAI 64:1

Ā ī-to tītə̄ hor kə́ o̰o̰ túpə́ kámbə gə̄ beé, aláa tītə̄ hor kə́ rāā adə̄ man̄ nēgə́ beē. Beé ɓáa madə̄ ba̰ā̰í gə̄ a gerīn̄. Gír de gə̄ a ndewn̄ noí tə́

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

JOJUE 17:18

Banī gō nang kə́ mbalá malang ń ku kāgə̄ gə̄ i tū tə́ ní a tél gō nang yāsí. Āw̄ ī-rāāī loo ɓē tū tə́ ō, ī-ngɔ̄mī ta róbən gə̄ ō. Kanaan gə̄ ń ndin̄ tū tə́ ní, aw̄n̄ kə púsə rɔ̄ɔ̄ kə́ rāā kə gindīí gə̄ ō, tɔ́gə́də́ i ngá̰ý ō, ɓá tā ba ā ī-tə̄ɓāīdə́ tū tə́ kɔ̄ɔ́.

NGÉ SARYA 6:16

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.