IJAI 41:13 - Bibəl ta Sar̄

¹³ Mā Kɔ́ɔ̄ɓē mā i Nə́ɓā yāí. M-ə́hɔ ta jī ko̰í. M-ə́daī na: Ī-lōō ɓōĺ, m̄-reē i yā dḭḭ̄.

Bible sar

¹³ Mā Kɔ́ɔ̄ɓē mā i Nə́ɓā yāí. M-ə́hɔ ta jī ko̰í. M-ə́daī na: Ī-lōō ɓōĺ, m̄-reē i yā dḭḭ̄.

IJAI 41:13 Referans Kwoze

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 73:23

Tɔdɔ̄ mā i seí ngándáńg, ḭ̄ ə́hɔ ta jīḿ kə́ ko̰ó̰.

PĀ GƏ̄ 63:8

Tɔdɔ̄ ḭ̄ i nge rāā seḿ. m̄-ndi gír bɔ̄gīí tə́ i kə rɔ̄nel̄ kə́ ngá̰ý.

PĀ GƏ̄ 109:31

Tɔdɔ̄ ni-ra dɔ jī ko̰ de kə́ nge rɔ̄ tō ndoō tə́ yā kajən jī ngé gān̄g sarya dɔn tə́ gə̄ tə́.

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

IJAI 45:1

Kɔ́ɔ̄ɓē əda Sirus ń i deē ń ni gə̄rān ní na: Mā m-ə́hɔ ta jīí yā kəlań dɔ nápar de gə̄ gíŕ tɔ́gə yāí tə́. m̄-ndigə taā tɔ́gə ko̰o̰ ɓē kɔ̄ɔ́ jī mban̄g gə̄ tə́ ō, ta róbə gə̄ kə́ yā kudəń kə̄ kem ɓē gə̄ tə́ ń i kə́ ra kə kutūú ní, m̄-ndigə teēdə́ kadə̄ ran̄ wōyōó noí tə́ ō.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

IJAI 51:18

Dan ngán gə̄ malang ń ḭ̄ ójə́də́ tə́ ní, dan de gə̄ malang ń ḭ̄ ə̄tōdə́ tə́ ní, kógə̄ḿ kə́ əhɔ ta jīí ɔriīneé ta róbə gətóo.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

Teē Ngán Israel gə̄ 20:20

Moijə tél ədadə́ na kə lōōn̄ ɓōĺ, tɔdɔ̄ Nə́ɓā reē na i nāādə́ tə́ yā kadə̄ ɓōlə́n̄ ndílən ɓáa kə rāān̄ majaĺ alé.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 46:27

Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

Makətūbə̄ yā Aje 2:5

Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!

PĀ GƏ̄ 118:7

Kɔ́ɔ̄ɓē i dām̄ yāḿ tə́, ni dḭḭ̄m̄, adə̄ m̄-kídə̄ madə̄ ba̰ā̰ḿ gə̄.