IJAI 41:11 - Bibəl ta Sar̄

¹¹ De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

Bible sar

¹¹ De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

IJAI 41:11 Referans Kwoze

Teē Ngán Israel gə̄ 23:22

Ré ōōī tan adə̄ ī-rāāī yá̰a̰ gə̄ ń m-ə́dásí ní anī, m-ā m̄-tél nge ba̰ā̰ madə̄ ba̰ā̰sí gə̄ ō, nge rɔ̄ɔ̄ ngé rɔ̄ɔ̄sí gə̄ ō.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

KƏLA RĀĀ 16:39

reē rāān̄də́ ɓɔ́ ō. Gō tə́ anī ɔrə̄n̄də́ dəngáyá ba rāān̄də́ ɓɔ́ kadə̄ teēn̄ kem ɓē ní tə́ ba kə aw̄n̄.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 11:8

Kum mbang ń noō tə́ ní ngé kəla yān gə̄ ń ran̄ noó ní, na a reēn̄ yā tétə̄ kejədə́ nang tə́ non ni Moijə tə́ malang ō, a ədanən̄ na kə n-teē kɔ̄ɔ́ kə gír deē yān gēé ō. Loo ń noō tə́ n-a n-teē. Wōn̄g rāā Moijə ngá̰ý adə̄ teē ta Parao̰ tə́ kɔ̄ɔ́.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

IJAI 29:8

Deē ń ɓō rāān ní, nī rāān adə̄ ndi a əsa yá̰a̰, ba dan ń ni ndól̄ anī, ɓō rāān ɓáý. Deē ń kəndā rāān ní, nī rāān adə̄ ni-ndi a a̰ȳ i man̄, ba dan ń ni ndól̄ anī, kɔr rāān ō, no míndən tutə ká káḿ ɓáý ō. Kósə de gə̄ yā ɓē gə̄ ń a rɔ̄ɔ̄n̄ mbal̄ Siyo̰ ní, yādə́ a to i tītə̄ ń noō ō.

IJAI 41:24

Banī sḭḭ̄ i yá̰á̰ kógə̄ḿ alé, yá̰á̰ ń sḭḭ̄ ī-rāāī ní i yá̰á̰ kə́ kumən gətóo. Deē ń ni gə̄rāsí kadə̄ sḭḭ̄ i nə́ɓā gə̄ ní, nel̄jí seneé aĺ ngá̰ý tītə̄ ń nelə̄ńjí sesí aĺ ngá̰ý ní beē.

IJAI 40:17

Nápar de gə̄ malang ní nin̄ i yá̰á̰ kógə̄ḿ ta kum Kɔ́ɔ̄ɓē tə́ alé, ni tə́dádə́ alé, nin̄ i néĺ ngóy.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 29:7

Ariel, kósə de gə̄ kə́ kem ɓēé gə̄ ń a rɔ̄ɔ̄īn̄ ní, a gətóon̄ kɔ̄ɔ́ tītə̄ nī beé. De gə̄ malang ń əndān̄ ndogə̄ mbal̄ gə̄ gīrə̄n̄neé gidií yā kənīīneé rɔ̄ɔ̄ ō, njadə́ ra kɔŕ kɔtə́yɔ gōí tə́ ō ní, nin̄ hində̄n̄ lim tītə̄ yá̰á̰ kə́ deē a̰a̰ ndɔ̄ɔ́ beē.

IJAI 34:12

De kə́ bo gə̄ kə́ yā kadə̄ nin̄ gə̄rān̄ mban̄g a gətóon̄, ngār gə̄ a oyn̄ malang kɔ̄ɔ́.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

IJAI 54:15

Ré reē ənīnī rɔ̄ɔ̄ anī, nge ń noō gírən ndetəm̄ alé. Deē ń a ənī rɔ̄ɔ̄ ní, a əsō nang tə́ noí tə́.

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 12:29

Dan loo tə́ anī Kɔ́ɔ̄ɓē rāā adə̄ ngáń hágə́ kə́ kem ɓē kə́ Ejiptə tə́ gə̄ oyn̄ malang. Əla gír i dɔ hágə Parao̰ ń kadə̄ ndi mban̄g gotə bɔbə̄n tə́ ní, bátə́ ugə̄ń dɔ hágə de kə́ dəngáyá tə́ ō, hágə́ yá̰a̰ kul̄ gə̄ tə́ ō.

IJAI 49:25

Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

JEREMI 12:17

Ba ré gḛyn̄ aĺ anī, m-ā m-ɔ̄r̄ nápar de gə̄ ń toō kə ngəradə́ gēé ɗer. M-ā m̄-rāādə́ kadə̄ oyn̄ kɔ̄ɔ́. Najə̄ ń Kɔ́ɔ̄ɓē əda ní n noó.