IJAI 41:10 - Bibəl ta Sar̄

¹⁰ Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

Bible sar

¹⁰ Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 41:10 Referans Kwoze

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

2 KORḚNTƏ 12:9

Banī ni-tél ədam̄ na kem majə ń na n-rāā seḿ ní na asə tām̄ yāḿ tə́. Tām̄ tɔ́gən ɔjə rɔ̄n kə̄ ndágá ngá̰ý i dan ń tɔ́gə́ḿ mā na gətóo kɔ̄ɔ́ tə́ ní. Adə̄ yá̰á̰ ń kemḿ gḛy ngá̰ý ní i kɔjə rɔ̄ḿ tām̄ yā tɔ́gə gətóo yāḿ tə́, yā kadə̄ tɔ́gə Kərist ɔjəń rɔ̄n kə̄ ndágá kə ta kūlə̄ḿ.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

PĀ GƏ̄ 63:8

Tɔdɔ̄ ḭ̄ i nge rāā seḿ. m̄-ndi gír bɔ̄gīí tə́ i kə rɔ̄nel̄ kə́ ngá̰ý.

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

PĀ GƏ̄ 145:14

Kɔ́ɔ̄ɓē əhɔ ngé gə̄ malang ń a tə́sōn̄ ní kə̄ dɔɔ́. Ni-əhɔ ngé gə̄ malang ń a nōrə̄n̄ ní kə̄ dɔɔ́.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

PĀ GƏ̄ 37:24

Ré yá̰a̰ əgan anī a əsō alé, tām̄ Kɔ́ɔ̄ɓē əhɔ ta jīn.

PĀ GƏ̄ 29:11

Kɔ́ɔ̄ɓē a adə̄ gír deē yān gə̄ tɔ́gə. Ni a rāā sedə́ kadə̄ ndin̄ kə lápə́yaá.

EPEJƏ 3:16

Ādə̄ ni ń kɔsə gɔn yān al̄ naā páráńg ní, adə̄sí tɔ́gə kə ta kūl̄ Ndílneé.

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

PĀ GƏ̄ 37:17

Tɔdɔ̄ jī ngé kem ndul gə̄ a tétə̄. Banī Kɔ́ɔ̄ɓē rāā kə de kə́ súmūú gēé.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

PĀ GƏ̄ 144:11

Ájəm̄ ō ī-gān̄g dɔḿ ō jī tə̄rā ń tan a əda i najə̄ kə́ sor̄ ō, jī ko̰n ɔjə kadə̄ ni túbə́ góləń i loo ō ni tə́.

PĀ GƏ̄ 41:12

Yá̰á̰ ń m̄-gerə̄ń kadə̄ nelī seḿ ní n toó: Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

Najə̄ kə́ Majə yā Jeju ń Luk ndang ní 1:30

Anī de kə́ dɔ rā̰ tə́ ní ədan na: Mari, ī-ɓōĺ alé, tɔdɔ̄ Nə́ɓā rajiī.

PĀ GƏ̄ 147:12

Jerusalem, ɔ́sə gɔn Kɔ́ɔ̄ɓē! Siyo̰, ī-tɔ̄ȳ Nə́ɓā yāí.

1 YÁ̰A̰ GƏ̄ 12:18

Ni teē tə́nī tadə́ ba ədadə́ na: Ré ī-reēī kəngeḿ tə́ i najə̄ lápə́ya tə́ ō, i najə̄ kɔsə kílə́ḿ tə́ kə̄ dɔɔ́ ō anī, m̄-ndigə̄ ngá̰ý kadə̄ m̄-ɓo rɔ̄ḿ yāsí tə́ kə ngarā̰ kemḿ mámák. Ba ré ī-reēī i gólə̄m̄ tə́ yā kəlam̄ jī madə̄ ba̰ā̰ḿ gə̄ tə́, tá m̄-rāā yá̰á̰ kógə̄ḿ kə́ majaĺ alé anī, ādə̄ Nə́ɓā yā kaají gə̄ i kə́ kum tə́ ō, rāāsí yá̰á̰ kə́ tōr̄ tām̄ majaĺ yāsí tə́ ō.

Najə̄ kə́ Majə yā Jeju ń Luk ndang ní 1:13

Banī de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

PĀ GƏ̄ 144:8

tan a əda i najə̄ kə́ sor̄ ō, jī ko̰n ɔjə kadə̄ ni túbə́ góləń i loo ō ní tə́.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

TA KƏLA 31:5

ba ədadə́ na: M-á̰a̰ dɔ kum bɔbə̄sí to tītə̄ kə́ kété seḿ alé, banī Nə́ɓā yā bɔbə́ḿ i seḿ.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

Teē Ngán Israel gə̄ 20:20

Moijə tél ədadə́ na kə lōōn̄ ɓōĺ, tɔdɔ̄ Nə́ɓā reē na i nāādə́ tə́ yā kadə̄ ɓōlə́n̄ ndílən ɓáa kə rāān̄ majaĺ alé.

IJAI 50:9

A̰á̰ā̰ Kɔ́ɔ̄ɓē Nə́ɓā reē dḭḭ̄m̄. Ní, i náā n asə gān̄g sarya dɔḿ tə́? Madə̄ ba̰ā̰ḿ gə̄ a əsōn̄ ngísə malang tītə̄ kūbə̄ kə́ yō̰ gə̄ əsan̄ beé.

DANIEL 6:16

Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.

DANIEL 10:12

Ni ədam̄ ɓáý to̰ na: Daniel, ī-lōō ɓōĺ! Tɔdɔ̄ əla gír ndɔ̄ ń ī-gḛy gerə̄ń kum yá̰a̰ gə̄ ń rāān̄ yá̰a̰ ō, ī-gḛy sɔlə̄ń dɔí kə̄ kə̄ no Nə́ɓā yāí tə́ ō ní, Nə́ɓā oō ndɔ̄ȳ yāí adə̄ m̄-reē i tām̄ najə̄ kɔrīí tə́.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

Makətūbə̄ yā Aje 2:5

Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

NGÉ SARYA 6:16

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.

2 SAMUEL 22:19

Ndɔ̄ ń tɔ́gə́ḿ gətóoń tə́ ní, nin̄ ənīmə̄n̄ rɔ̄ɔ̄ kə ngangá ngá̰ý, banī Kɔ́ɔ̄ɓē reē dḭḭ̄m̄.

PĀ GƏ̄ 18:36

Ḭ̄ ādə̄m̄ der yāí ń ī-tetəń rɔ̄ɔ̄ ní. Jī ko̰í ɔsəm̄ kə̄ dɔɔ́. Kem majə yāí rāā adə̄ m̄-tél de kə́ bo.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

IJAI 37:6

Anī Ijai ədadə́ na: Najə̄ ń Kɔ́ɔ̄ɓē əda toó āw̄ ə́daī kɔ́ɔ̄sí: Ḭ̄ ōō ndū gə̄ ń ngol áskar gə̄ yā mban̄g kə́ Asiri gə̄ tájə̄mə̄n̄ ní. Ī-lōō ɓōĺ yá̰a̰ gə̄ ń nin̄ ədan̄ ní.

NŌŌ RƆ̄ 3:57

Ndɔ̄ ń m̄-ɓārə́nń rīí tə́ ní, ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.