IJAI 40:9 - Bibəl ta Sar̄

⁹ Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

Bible sar

⁹ Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ *Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ *Juda tə́ na: Nə́ɓā yāsí n toó!

IJAI 40:9 Referans Kwoze

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

1 PIYER 3:14

Ká ré i kadə̄ á̰a̰ī tápə̄ najə̄ yā yá̰á̰ kə́ gōtə́ kə́ ī-rāāī tə́ gə̄gē anī, rɔ̄sí nel̄sí. Ī-ɓōlíīdə́ aĺ ō, ī-lōōī kadə̄ ndíĺsí a̰ȳ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

KƏLA RĀĀ 4:29

Ba ngɔlaā ní Kɔ́ɔ̄ɓē, á̰a̰ ka̰ȳ ń a̰ȳn̄ ndíĺjí ní, ba ī-rāā ādə̄ ngé kəla yāí gə̄ ənīn̄ kemdə́ ədan̄neé najə̄ yāí kanjə̄ ɓōĺ.

KƏLA RĀĀ 4:13

Dan ń ngé sarya gə̄ a̰a̰n̄ kadə̄ Piyer nin̄ kə Ja̰a̰ ənīn̄ kemdə́ ɔrə̄n̄neé najə̄ kanjə̄ ɓōĺ ō, nin̄-gerə̄n̄ kadə̄ i de kə́ hɔlyɔ karī gə̄ ō, i de kə́ ger̄ yá̰a̰ aĺ gə̄ ō anī, ɔr̄ kumdə́ ngá̰ý. Gerə̄n̄ kadə̄ i de gə̄ kə́ njə̄rān̄ kə Jejuú kété.

KƏLA RĀĀ 2:14

Loo ń noō tə́ Piyer ń ra noó kə ngámbang kəla kə́ kutə gidə i kógə̄ḿ gēé ní, un ndūn kə̄ dɔɔ́ ɔrə̄ń najə̄ kə kósə de gēé əda na: Sḭḭ̄ Jipə gə̄ ō, de gə̄ malang ń ī-ndiī Jerusalem ní ō, yá̰á̰ ń rāā yá̰a̰ toó majə kadə̄ ī-gerī kum majə ō, ī-nēlī mbīsí majə ōōīneé najə̄ ń m-ā m-ɔ̄r̄ sesí ní ō.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

IJAI 58:4

Dan ń sḭḭ̄ ī-*ndiī ɓō tām̄ yā Nə́ɓā tə́ anī, ī-kɔ̄lī naā ō, ī-ɓirī jīsí ī-tə́ndāīneé madə̄sí gə̄ ō. I kə ta kūl̄ ndi ɓō kə́ tītə̄ ń noō n ā ī-rāāiń kadə̄ oōn̄ ndūsí dɔɔ́ nú ní alé.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

IJAI 41:27

De kə́ ta kəga dɔ ń əda yá̰á̰ ń noō kem ɓē kə́ Jerusalem tə́ ní, i mā Kɔ́ɔ̄ɓē. Tām̄ m-ə́la deē kógə̄ḿ Siyo̰, kadə̄ aw̄ əda najə̄ kə́ majə.

2 YÁ̰A̰ GƏ̄ 13:4

Abia ra dɔɔ́ dɔ mbal̄ Samaraim ń i mbal̄ kə́ gō nang kə́ mbalá yā Epəraim tə́ ní ba un ndūn kə̄ dɔɔ́ ɔrə̄ń najə̄, əda na: Jeroboam ō, Israel gə̄ malang ō, ōōī najə̄ ń m-ā m-ɔ̄r̄ ní.

NGÉ SARYA 9:7

Ədan̄ Yotam najə̄ ní, adə̄ aw̄ ra dɔ mbal̄ Garijim tə́ ba un ndūn kə̄ dɔɔ́ ədań najə̄: Sḭḭ̄ de kə́ bo kə́ Sisem gə̄ ōōī najə̄ kɔrə̄ḿ ō, ādə̄ Nə́ɓā oō najə̄ kɔr̄sí ō.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

IJAI 52:6

Adə̄ ndɔ̄ kógə̄ḿ tə́ anī, gír deē yāḿ gə̄ a gerə̄n̄ ké mā i náā wa. A̰á̰ā̰, nin̄ a gerə̄n̄ kadə̄ i mā n i nge kəda na m-ā m̄-reē noó ní.