IJAI 40:8 - Bibəl ta Sar̄

⁸ Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

Bible sar

⁸ Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 40:8 Referans Kwoze

MARK 13:31

Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

1 PIYER 1:25

Banī najə̄ yā Nə́ɓā to gotoó ngándáńg Tá najə̄ ní i Najə̄ kə́ Majə ń ɔjən̄sí ní.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JA̰A̰ 10:35

Jə-ger̄ kadə̄ yá̰á̰ n makətūbə̄ yā Nə́ɓā əda ní, deē a ɔr̄ kɔ̄ɔ́ alé. De gə̄ ń Nə́ɓā ɔr̄ najə̄ sedə́ ní, ni-ɓāŕdə́ na i nə́ɓā gə̄.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

JA̰A̰ 12:34

Anī kósə de gə̄ tél ədanən̄ na: Jḭḭ j-oō tū ndū najə̄ tə́ na Kərist a ndi ngándáńg. Ba i ba̰ý á ə́da na i gáŕ kadə̄ a əlan̄ Ngōn̄ Deē dɔɔ́ ní? Ngōn̄ Deē nəkɔ́ i náā?

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

PĀ GƏ̄ 111:8

A ton̄ gətóó ngándáńg. Rāādə́ i kə najə̄ kə́ rɔ̄kum ō kə yá̰á̰ kə́ súmūú ō.

JEREMI 44:29

Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń a ɔjəsí kadə̄ m-ā m̄-rāā yá̰a̰ sesí loo ń toō tə́ ō, kadə̄ najə̄ ń m-ə́da dɔsí tə́ ní a rāā yá̰a̰, adə̄ yá̰á̰ kə́ to kum kaȳ aĺ a rāāsí ō ní n toó.