IJAI 40:6 - Bibəl ta Sar̄

⁶ De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

Bible sar

⁶ De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

IJAI 40:6 Referans Kwoze

PĀ GƏ̄ 102:11

Ḭ̄ únəm̄ kə̄ dɔɔ́ pá tá ə́la ə̄nīm̄ sɔɔ̄ń wōn̄g ń rāāī ní, wōn̄g kə́ ngá̰ý ń rāāī seḿ ní.

Makətūbə̄ yā Job 14:2

Ni to tītə̄ hútə̄ yá̰á̰ kə́ ndɔ̄w̄ ba gōtə́ anī, ndəlē kɔ̄ɔ́ beē ō, a̰ȳ tītə̄ ndíl kāgə̄ beé ō, ndi dan i ngá̰ý aĺ ō.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

PĀ GƏ̄ 92:7

De kə́ mbóo asə ger̄ yá̰á̰ kógə̄ḿ tū tə́ alé. De kə́ kumən gān̄g aĺ asə ger̄ yá̰á̰ kógə̄ḿ tū tə́ alé.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 40:3

De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

IJAI 37:27

De kə́ kemeé gə̄ asən̄ rāā yá̰á̰ kógə̄ḿ alé, ɓōĺ rāādə́ ō, rɔ̄də́ sɔl̄də́ ngá̰ý ō. Nin̄ ton̄ tītə̄ mu kə́ bembeé beē, ton̄ tītə̄ ngán mu gə̄ kə́ ton̄ mbōl̄ beé, ton̄ tītə̄ mbī kámbə́ kə́ dūú gə̄ kə́ əɓan̄ dɔ kújú dɔɔ́, banī néĺ kə́ dūn̄ ɓē tə́ rāādə́ adə̄ tutən̄ kɔ̄ɔ́ beē.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

JAKARI 1:14

De kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, mērə̄m̄ kəda najə̄ yā Kɔ́ɔ̄ɓē kə́ bo kə́ tɔ́gən i ngá̰ý ń toō: Ɓē kə́ Jerusalem ō, mbal̄ bo kə́ Siyo̰ ō ní, nelə̄m̄ sedə́ ngá̰ý.