IJAI 40:4 - Bibəl ta Sar̄

⁴ Ī-ɓōkíī nán̄g ādī rosə kum wól loo gə̄ ō, ī-tə́gāī dɔ mbal̄ bo gə̄ kə ngán mbal̄ gə̄ ādə̄ tə́lən̄ kə̄ nang tə́ ō, ī-rāāī loo kə́ to kə naraá gə̄ ādə̄ télən̄ ndágə mbō gə̄ ō, ī-rāāī loo kə́ kḭḭ kə̄ dɔɔ́ gə̄ ādə̄ télən̄ wól loo gə̄ ō.

Bible sar

⁴ Ī-ɓōkíī nán̄g ādī rosə kum wól loo gə̄ ō, ī-tə́gāī dɔ mbal̄ bo gə̄ kə ngán mbal̄ gə̄ ādə̄ tə́lən̄ kə̄ nang tə́ ō, ī-rāāī loo kə́ to kə naraá gə̄ ādə̄ télən̄ ndágə mbō gə̄ ō, ī-rāāī loo kə́ kḭḭ kə̄ dɔɔ́ gə̄ ādə̄ télən̄ wól loo gə̄ ō.

IJAI 40:4 Referans Kwoze

Najə̄ kə́ Majə yā Jeju ń Luk ndang ní 3:5

A utə̄n̄ kum gúr gə̄ malang ō, a tə́gān̄ dɔ mbal̄ bo gə̄ malang ō, dɔ ngán mbal̄ gə̄ malang ō, kadə̄ loo asə naā. Róbə́ kə́ rugə gɔ́lí gɔ́lí gə̄ ní, a rāā kadə̄ ra súmūú ō, róbə́ kə́ dūn̄ asə naā aĺ gə̄ ní, a jɔ̄r̄yɔ̄n̄ kadə̄ gidə asə naā ō.

EJEKIEL 21:26

Mban̄g kə́ Babilon a dəba ta gajə róbə́ tə́, ta róbə́ kə́ jōó gə̄ ní tə́ yā túgəń wə̄lā yā gerə̄ń yá̰á̰ kə́ ɔjə dɔn. Ni yéȳ kum gərā gə̄ ō, yá̰á̰ kə́ dūú gə̄ ń tɔ́sə̄n̄ kum gotə yá̰a̰ gə̄ ní, ni dəjedə́ najə̄ ō, ni-əndā ma̰ȳ wur dā̰ gə̄ ō.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

IJAI 45:2

Mə̄kɔ́ m-ā m̄-njə̄rā kété noí tə́, yá̰a̰ gə̄ ń dēsə́n̄ rɔ̄də́ noí tə́ ɔgīn̄ mān̄ ní, m-ā m̄-ró̰ȳdə́ kɔ̄ɔ́, ta róbə gə̄ ń rāān̄də́ kə gində̄ nə̄ngá kasaá ní, m-ā m̄-nujəń kɔ̄ɔ́, gində̄ gə̄ ń rákə̄nəń ta róbə gə̄ ní, m-ā m̄-tétə̄ kɔ̄ɔ́.

EJEKIEL 17:24

Loo ń noō tə́ kāgə̄ kə́ kem bembeé gə̄ malang a gerə̄n̄ kadə̄ Kɔ́ɔ̄ɓē i mā. Mā i nge rāā kāgə̄ kə́ ngāl̄ gə̄ tə́lən̄ kə̄ nang tə́ ō, nge rāā kadə̄ kāgə̄ kə́ dūú gə̄ tɔgən̄ ō, nge rāā kadə̄ kāgə̄ kə́ mbōl̄ gə̄ tutən̄ ō, nge rāā kadə̄ kāgə̄ kə́ tutə gə̄ hútə̄n̄ ō. I mā Kɔ́ɔ̄ɓē n m-ɔ̄r̄ najə̄ ō, yá̰á̰ ń m-ə́dá ní m-ā m̄-rāā ō.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

IJAI 42:11

Ādə̄ deē oō kōō pā loo gə̄ ń de gə̄ ndin̄ tū tə́ dəla loo tə́ ní, loo gə̄ ń ngé njə̄rā dɔɔ́ kə́ Kedar gə̄ əhɔn̄ loo ndin̄ tū tə́ yā kḭḭ kə̄ kété ní tə́! Ādə̄ de gə̄ ń ndin̄ Ros ní ɔjən̄ rɔ̄nel̄ yādə́ kə̄ ndágá, ādə̄ ran̄ ta tél mbal̄ bo gə̄ tə́ dɔɔ́ əgan̄neé kɔŕ rɔ̄nel̄!

Gōsə̄ najə̄ gə̄ 2:15

Háĺdə́ nujə kɔ̄ɔ́ ō, gō róbə yādə́ gə̄ i kə́ rúgə̄ gə̄ ō,

IJAI 40:3

De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

IJAI 49:11

M-ā m̄-rāā kadə̄ mbal̄ gə̄ malang télən̄ róbə́ kə́ kundə́ tōr̄ aĺ gə̄. M-ā m̄-tél yā rāā róbə gə̄ gogə́ rang.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.