IJAI 40:3 - Bibəl ta Sar̄

³ De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

Bible sar

³ De kógə̄ḿ ənī mbēr̄ əda na: Ī-njariī róbə kem dəla loo tə́ tām̄ yā Kɔ́ɔ̄ɓē tə́. Ī-rāāī róbə́ kə́ majə tām̄ yā Nə́ɓā yājí tə́ kem loo kə́ tutə ń toō tə́.

IJAI 40:3 Referans Kwoze

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

JA̰A̰ 1:23

Anī ni-tél ədadə́ na: Mā i ndū nge ń ənī mbēr̄ dəla loo tə́ na kə ī-rāāī róbə yā Kɔ́ɔ̄ɓē kadə̄ ra súmūú, tītə̄ ń Ijai nge koō ta ədań ní.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

IJAI 49:11

M-ā m̄-rāā kadə̄ mbal̄ gə̄ malang télən̄ róbə́ kə́ kundə́ tōr̄ aĺ gə̄. M-ā m̄-tél yā rāā róbə gə̄ gogə́ rang.

PĀ GƏ̄ 68:4

Banī de kə́ súmūú gə̄ rāān̄ rɔ̄nel̄, tḭ́ḭ̄n̄ bal walya ta kum Nə́ɓā tə́. Nin̄ ndāmə̄n̄ ndām̄ rɔ̄nel̄.

IJAI 40:4

Ī-ɓōkíī nán̄g ādī rosə kum wól loo gə̄ ō, ī-tə́gāī dɔ mbal̄ bo gə̄ kə ngán mbal̄ gə̄ ādə̄ tə́lən̄ kə̄ nang tə́ ō, ī-rāāī loo kə́ to kə naraá gə̄ ādə̄ télən̄ ndágə mbō gə̄ ō, ī-rāāī loo kə́ kḭḭ kə̄ dɔɔ́ gə̄ ādə̄ télən̄ wól loo gə̄ ō.