IJAI 40:22 - Bibəl ta Sar̄

²² Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

Bible sar

²² Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

IJAI 40:22 Referans Kwoze

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

Gōsə̄ najə̄ gə̄ 8:27

Dan ń Kɔ́ɔ̄ɓē əndā dɔ rā̰ ō, əja nja loo kə́ gōr̄ gong dɔ bā bo kə́ ta kəla gír tə́ ō ní, mā i noó kɔ̄ɔ́.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

JEREMI 10:12

Tɔdɔ̄ Nə́ɓā i nge ń rāā dɔ nang kə ta kūl̄ tɔ́gəneé ō, əndā yá̰a̰ gə̄ kə kum kedə̄ yānneé ō, teē kem dɔ rā̰ kə̄ gogə́ kə gō yá̰a̰ ger̄ yānneé ō ní.

IJAI 40:17

Nápar de gə̄ malang ní nin̄ i yá̰á̰ kógə̄ḿ ta kum Kɔ́ɔ̄ɓē tə́ alé, ni tə́dádə́ alé, nin̄ i néĺ ngóy.

PĀ GƏ̄ 68:33

Ɓē ko̰o̰ gə̄ kə́ dɔ nang tə́, ə̄nīī pā ādī Nə́ɓā, ɔ́siī gɔn Kɔ́ɔ̄ɓē kə yá̰á̰ kə́ ɓār̄ gōsə̄ gēé.

Makətūbə̄ yā Job 22:14

Kil̄ man̄ gə̄ na utə̄n̄ ta kumən kɔ̄ɔ́, adə̄ na asə ka̰a̰ loo alé. Ni na njə̄rā a gīr̄ na i gidə dɔ rā̰ ngóy.

Makətūbə̄ yā Job 9:8

Ni teē kem dɔ rā̰ kə kérneé ō, njə̄rā dɔ bəngál bā bo gə̄ tə́ ō.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 40:15

Nápar de gə̄ ton̄ i tītə̄ ngōn̄ man̄ kə́ əsō ɗḛy gír gəmbé tə́ beē, ton̄ i tītə̄ kum nán̄g ngárə̄ḿnjēý kógə̄ḿ kə́ to dɔ yá̰a̰ mbɔ̄jə́ kɔȳ yá̰á̰ tə́ beé. Gír de kə́ sa̰y gə̄ hɔɔ́lɔ̄n̄ tītə̄ bumbə́ru beé.

PĀ GƏ̄ 2:4

Banī Kɔ́ɔ̄ɓē əgō mḛy, nge ń ndi dɔ rā̰ tə́ ní mbóo sedə́.

TƏ́DA 13:33

J-a̰a̰ de kə́ ngāl̄ ngá̰ý gə̄ kə́ gír kaa yā Anak tə́ dɔ nang ní tə́. J-a̰a̰ rɔ̄jí tītə̄ gaẃ gə̄ ta kumdə́ tə́ ō, nin̄ a̰a̰n̄jí ɓáa jə-to tītə̄ ń noō rɔ̄kum ō.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

Makətūbə̄ yā Job 36:29

I náā n asə ger̄ loo tə̄ndā ń kil̄ man̄ gə̄ a tə̄ndā tḭ̄ḭ̄n̄ naā kə loo gə̄ tə́ ō, loo ndang ń man̄ a ndang no rā̰ tə́ ō ní?

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

Makətūbə̄ yā Job 37:18

dan ń Nə́ɓā a rāań dɔ rā̰ ń i yá̰á̰ kə́ ngan̄g tītə̄ kútə́ram kə́ rāā kə gindīí beé ní, ḭ̄ ī-rāā seneé a?

TA KƏLA 1:6

Nə́ɓā əda na kadə̄ kə loo kə́ rāā gār̄ tītə̄ yā gār̄ kújə kə to yā kēgəń man̄ gə̄ naā tə́,

PĀ GƏ̄ 18:11

Ni al̄ de kə́ dɔ rā̰ tə́ sə́ndá tə́ ba ḭḭń bɔ̄gə̄. Ni nēl̄ dɔ bɔ̄gə̄ néĺ tə́.

PĀ GƏ̄ 19:4

I gotə najə̄ kə́ kənī alé, kum najə̄ gə̄ gətóon̄ tū tə́ ō. Deē oō kōōdə́ aĺ ō.

IJAI 37:16

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ḭ̄ ń ī-ndi dɔɔ́ dɔ Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

Makətūbə̄ yā Job 26:7

I ni n teē kem dɔ rā̰ kə́ dām̄ mbɔ́r ɓē kə́ ko̰ó̰ tə́ kə̄ gogə́ dɔ ɓōdə̄ loo tə́ ní ō, rāā adə̄ dɔ nang ra ɓōdə̄ loo tə́ ní ō.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.