IJAI 40:21 - Bibəl ta Sar̄

²¹ Sḭḭ̄ ī-gerī nge ń noō aĺ a? Adə̄ sḭḭ̄ ōōī nge ń noō aĺ a? Ta kəla gíŕ tə́ ní ədan̄sí yá̰a̰ gə̄ ń noō aĺ a? Sḭḭ̄ ī-gerī deē ń əndā gír gisə dɔ nang ní aĺ a?

Bible sar

²¹ Sḭḭ̄ ī-gerī nge ń noō aĺ a? Adə̄ sḭḭ̄ ōōī nge ń noō aĺ a? Ta kəla gíŕ tə́ ní ədan̄sí yá̰a̰ gə̄ ń noō aĺ a? Sḭḭ̄ ī-gerī deē ń əndā gír gisə dɔ nang ní aĺ a?

IJAI 40:21 Referans Kwoze

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

IJAI 48:13

A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

IJAI 46:8

Ādə̄ əga kemsí dɔ nge ń noō tə́ ba ī-téĺ ə́hɔī rɔ̄sí tɔgə gogə́! Sḭḭ̄ de kə́ ngé ra dɔ ndūsí tə́ aĺ gə̄, ī-gírī dɔ tə́!

PĀ GƏ̄ 50:6

Ādə̄ dɔ rā̰ ənī mbēr̄ əda na: Kɔ́ɔ̄ɓē i de kə́ gōtə́, i ni n i Nə́ɓā kə́ nge gān̄g sarya ní.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

PĀ GƏ̄ 115:8

Ādə̄ ngé rāādə́ gə̄ ton̄ tītə̄də́ beē ō, ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ beē ō!

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

IJAI 40:28

Tá Kɔ́ɔ̄ɓē i Nə́ɓā, əla gír i jóó ngá̰ý ō, i mbóńg kə̄ non tə́ ō. Ədan̄ nge ń noō adə̄ sḭḭ̄ ōōī aĺ a? Ni-rāā dɔ nang malang kə taá. Tɔ́gən gətóo nja kógə̄ḿ alé, kɔr rāān nja kógə̄ḿ alé. De kə́ asə ger̄ rúu ter kə́ kemən tə́ gətóo.

Makətūbə̄ yā Job 26:7

I ni n teē kem dɔ rā̰ kə́ dām̄ mbɔ́r ɓē kə́ ko̰ó̰ tə́ kə̄ gogə́ dɔ ɓōdə̄ loo tə́ ní ō, rāā adə̄ dɔ nang ra ɓōdə̄ loo tə́ ní ō.