IJAI 40:18 - Bibəl ta Sar̄

¹⁸ Nə́ɓā ní deē a ɔjə seneé i náā? Ni to i tītə̄ rí?

Bible sar

¹⁸ Nə́ɓā ní deē a ɔjə seneé i náā? Ni to i tītə̄ rí?

IJAI 40:18 Referans Kwoze

IJAI 46:5

Ɔ́jiī seḿ i náā? I náā n ī-gírī kadə̄ m̄-to tītə̄n ní? Ā ə̄ndāmī i kadə náā tə́ yā kɔjəń kadə̄ jə-teē naā seneé ní?

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

KƏLA RĀĀ 17:29

Ba ré jḭḭ̄ i gír kaa kə́ kógə̄ḿ beē kə Nə́ɓāá anī, i só tə́ kadə̄ jə-gírī na Nə́ɓā i yá̰á̰ kə́ tītə̄ ɓesə̄ lɔ́r, aláa ɓesə̄ gində̄ arjā̰a̰, aláa ɓesə̄ mbal̄ marbər kə́ deē tɔ́sə̄ kə jīneé kə gō kum kedə̄ yānneé alé.

IJAI 40:25

Nə́ɓā kə́ táĺ dəje najə̄, ni-əda na: Ā ɔ́jiī seḿ i náā? I náā n asə seḿ māá ní?

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

PĀ GƏ̄ 89:6

Kɔ́ɔ̄ɓē, ādə̄ dɔ rā̰ ɔsə gɔn yá̰á̰ kə́ to kɔr kum ń ī-rāā ní ō, ādə̄ ɔsə gɔn ra kə́ ī-ra dɔ ndūí tə́ ō, loo kán̄ naā yā de kə́ táĺ gə̄ tə́!

Makətūbə̄ yā Job 40:9

Jīí i tītə̄ jī Nə́ɓā á? Ndūí ɓār̄ tītə̄ man̄ kə́ ndang tītə̄ yān a?

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

PĀ GƏ̄ 89:8

De kə́ táĺ gə̄ ń kánə̄n̄ naā yā koō naā dɔ yá̰á̰ tə́ ní, Nə́ɓā to ɓōĺ ngá̰ý dandə́ tə́. To ɓōĺ tɔȳ de gə̄ malang ń ndi gīrə̄n̄ gidən ní.

Teē Ngán Israel gə̄ 9:14

Ń toō na n-a n-rāā kadə̄ yá̰á̰ kə́ tōr̄ yān gə̄ malang a rāānən̄ nəkɔ́ Parao̰ ō, ngé kəla yān gə̄ ō, gír deē yān gə̄ ō, kadə̄ gerə̄ń na de kə́ tītə̄n ni Kɔ́ɔ̄ɓē na gətóo dɔ nang tə́ laā.

Teē Ngán Israel gə̄ 8:10

Kánə̄n̄ nīńdə́ kə̄ dɔ naā tə́ kə̄ dɔ naā tə́, adə̄ kem ɓē otə ndum rḭḭ.

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

Teē Ngán Israel gə̄ 20:4

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

IJAI 46:9

Ādə̄ əga kemsí dɔ kum mbang kə́ mān̄ kɔ̄ɔ́ tə́, dɔ yá̰a̰ gə̄ ń rāān̄ yá̰á̰ kété tə́ ní. I mā n i Nə́ɓā ní ō, Nə́ɓā kə́ rang gətóo ō. Nə́ɓā kə́ tītə̄ḿ mā gətóo.

PĀ GƏ̄ 113:5

I náā n to tītə̄ Kɔ́ɔ̄ɓē Nə́ɓā yājí ní? Ni-ndi i dɔɔ́ sa̰y nú.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

KOLOSƏ 1:15

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

NDŪ NAJƏ̄ 4:15

Ə̄ndāī kumsí gír rɔ̄sí sḭḭ̄ kɔ́ gə̄ tə́ majə, tɔdɔ̄ ndɔ̄ ń Kɔ́ɔ̄ɓē ɔrə̄ń najə̄ sesí kum hor tə́ dɔ mbal̄ Horeb tə́ ní, á̰a̰ī ngarā̰ kumən nəkɔ́ alé.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

JEREMI 10:1

De kə́ Israel tə́ gə̄, ōōī najə̄ ń Kɔ́ɔ̄ɓē əda dɔsí tə́ ní.