IJAI 40:12 - Bibəl ta Sar̄

¹² I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

Bible sar

¹² I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

IJAI 40:12 Referans Kwoze

Gōsə̄ najə̄ gə̄ 30:4

I náā n ndem̄ man̄ kem kūbə̄ yān tə́ kɔ̄ɔ́ ɓá ní? I náā n əndā dɔ nin̄ dɔ nang ní? Rīn na i rí? Rī ngōnən na i rí? Ré ī-ger̄ anī ə́dam̄!

IJAI 48:13

A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

Makətūbə̄ yā Job 28:25

Tɔdɔ̄ i ni n adə̄ néĺ tɔ́gə ō, mbɔ̄jə́ man̄ ō,

JEREMI 31:37

Najə̄ ń Kɔ́ɔ̄ɓē əda ní n toó: Ré de gə̄ asən̄ mbɔ̄jə́ ngāl̄ loo kə́ dɔ rā̰ tə́ dɔɔ́ ō, asən̄ ger̄ loo kə́ nang tə́ gír ngə́ra dɔ nang tə́ ō anī, mā m-ā m-ásə mbātə́ ngán kaa Israel gə̄, tām̄ yá̰á̰ ń nin̄ rāān̄ tə́ ní ō. Najə̄ ń Kɔ́ɔ̄ɓē əda ní n noó.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.