IJAI 4:3 - Bibəl ta Sar̄

³ Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

Bible sar

³ Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ *Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

IJAI 4:3 Referans Kwoze

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

PĀ GƏ̄ 69:28

Yá̰á̰ kə́ gōtə́ aĺ gə̄ malang ń nin̄ rāān̄ ní ī-ndang ō, ī-ndigədə́ nin̄ aĺ ō.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

Makətūbə̄ ń Pol ndang adə̄ Rom gə̄ ní 11:5

Ngɔlaā nəkɔ́ ń jə-ndiī toó gá̰a̰ de gə̄ kə́ Nə́ɓā nəkɔ́ gə̄rā əya̰ ɔjəń rajə yān ndin̄ noó ō.

EJEKIEL 43:12

Najə̄ kə́ dɔ kújə́ yā Kɔ́ɔ̄ɓē tə́ ní, ndū tām̄ kə́ bo kə́ dɔ tə́ ń toó: Loo malang ń gīr̄ gidə kújə́ yā Kɔ́ɔ̄ɓē dɔ mbalá dɔɔ́ ní, majə kadə̄ de gə̄ rāān̄ loo kə́ táĺ ngá̰ý tə́.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

KƏLA RĀĀ 13:48

Dan ń de gə̄ ń nin̄ i Jipə aĺ gə̄ ní oōn̄ najə̄ gə̄ ń noō ní anī, rɔ̄də́ nel̄də́ ngá̰ý ō, ɔsən̄ gɔn najə̄ yā Kɔ́ɔ̄ɓē ō. De gə̄ malang ń Nə́ɓā reē sedə́ i tām̄ yā ndi kə kumuú kə́ ngándáńg tə́ ní, taān̄ kem.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

IJAI 1:27

Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

Makətūbə̄ ń Pol ndang adə̄ Rom gə̄ ní 11:4

Ba najə̄ ń Nə́ɓā tél ədan ní ōōī a? Nə́ɓā ədan na: M-ɔ̄r̄ de gə̄ dūbú sīrí m-ə̄ndādə́ dɔ jīḿ. I ngé gə̄ ń tetən̄ kejədə́ nang tə́ no ɓesə̄ Baal tə́ aĺ ní.

PĀ GƏ̄ 87:6

Kɔ́ɔ̄ɓē ndang kem makətūbə̄ yā gír de gə̄ tə́ na: Deē ń toō ojənən̄ i loo ń toō tə́,

IJAI 28:5

Ndɔ̄ kógə̄ḿ tə́ anī, Kɔ́ɔ̄ɓē kə́ bo kə́ tɔ́gən i ngá̰ý ní, nəkɔ́ a tél jākā mbang kə́ majə ngá̰ý, a téĺ yá̰á̰ súū rɔ̄ kə́ yā kənī míndə́ tə́, kə́ yá̰a̰ i ngá̰ý tū tə́, yā de gə̄ kə́ dan gír deē yān gə̄ ń teēn̄ ta yo tə́ ní.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

ABƏDIAS 1:17

Loo ń noō tə́ ní, ngé gə̄ ń a ndin̄ kə kumdə́ ɓáý ní, a reēn̄ yā ɓɔ̄ɔ̄ rɔ̄də́ dɔ mbal̄ Siyo̰ tə́. Dɔ mbal̄ Siyo̰ a tél loo kə́ táĺ gogə́ ō, de gə̄ kə́ kem kojə yā Jakob tə́ a télən̄ yā taā ɓē yādə́ kɔ̄ɔ́ jī ngé gə̄ ń taān̄ ɓē yādə́ tə́ ní ō.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.