IJAI 39:7 - Bibəl ta Sar̄

⁷ De gə̄ ń ḭ̄ ójə́də́ ní, a ɔyn̄ ngá̰ý gə̄ dandə́ tə́ yā kaw̄ sedə́ nú. A rāān̄də́ áji mbang gə̄ tə́, adə̄ nin̄ a rāān̄ kəla kem kújə ngol yā mban̄g kə́ Babilon tə́.

Bible sar

⁷ De gə̄ ń ḭ̄ ójə́də́ ní, a ɔyn̄ ngá̰ý gə̄ dandə́ tə́ yā kaw̄ sedə́ nú. A rāān̄də́ *áji mbang gə̄ tə́, adə̄ nin̄ a rāān̄ kəla kem kújə ngol yā mban̄g kə́ Babilon tə́.

IJAI 39:7 Referans Kwoze

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

JEREMI 39:7

Gō tə́ anī, ni tɔ̄ɔ̄ kum Sedekias ba do̰ō̰n kə súl gində̄ nə̄ngá kasə kə́ kudə̄ naā tə́ jōó yā kaw̄ń seneé Babilon tə́.

2 YÁ̰A̰ GƏ̄ 36:20

De gə̄ ń teēn̄ ta yo kaskar tə́ ní, mban̄g kə́ Babilon ɔydə́ aw̄ sedə́ Babilon. Nin̄ télən̄ ɓəlo yān gə̄ ō, yā ngánən gə̄ ō, yā ngán kaan gə̄ ō, bátə́ Persə gə̄ reē o̰o̰n̄neé ɓē.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

2 MBAN̄G 24:15

Ba mban̄g Joakin ō, kó̰o̰n ō, nə̄yá̰n gə̄ ō, ngol áskar yān gə̄ ō, ngār gə̄ kə́ Juda ō ní, ni ɔydə́ Jerusalem aw̄ sedə́ Babilon.

2 MBAN̄G 24:10

Dan ngeé n noō tə́ ní ngol áskar gə̄ yā mban̄g Nabukodonosor ɔyn̄ ngé rɔ̄ɔ̄ kə́ Babilon gə̄ reēn̄neé kənī ɓē kə́ Jerusalem rɔ̄ɔ̄ tə́. Nin̄ gīrən̄ gidə ɓē kə́ Jerusalem.