IJAI 39:3 - Bibəl ta Sar̄

³ Gō tə́ anī, Ijai nge koō ta reē ənge mban̄g Ejekias ba dəjen najə̄ ədan na: De gə̄ ní ədaīn̄ na i rí? Nin̄ ḭḭn̄ i rá? Anī Ejekias tél ədan na: Ḭḭn̄ i sa̰y ngá̰ý n reēn̄ ka̰a̰ḿ tə́ ní, ḭḭn̄ i Babilon.

Bible sar

³ Gō tə́ anī, Ijai *nge koō ta reē ənge mban̄g Ejekias ba dəjen najə̄ ədan na: De gə̄ ní ədaīn̄ na i rí? Nin̄ ḭḭn̄ i rá? Anī Ejekias tél ədan na: Ḭḭn̄ i sa̰y ngá̰ý n reēn̄ ka̰a̰ḿ tə́ ní, ḭḭn̄ i Babilon.

IJAI 39:3 Referans Kwoze

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 16:7

Dan ngé ń noō tə́ ní Hanani nge ka̰a̰ yá̰a̰ reē ənge Asa mban̄g kə́ Juda ba ədan na: Dan ń ə̄ndā tɔ́gí i dɔ mban̄g kə́ Aram tə́ ba i dɔ Kɔ́ɔ̄ɓē Nə́ɓā yāí tə́ aĺ ɓá ní, ādə̄ i ngé rɔ̄ɔ̄ gə̄ yā mban̄g kə́ Aram ta róbə teē kɔ̄ɔ́ gíŕ tɔ́gə yāí tə́.

2 SAMUEL 12:1

Kɔ́ɔ̄ɓē əla Natan rɔ̄ Dabid tə́. Natan aw̄ rɔ̄ mban̄g tə́ ba ədan na: De gə̄ jōó ndin̄ kem ɓē kógə̄ḿ tə́. Kógə̄ḿ i de kə́ ənge yá̰á̰ ngá̰ý, ba kə́rēý i de kə́ nge ndoō.

IJAI 38:5

aw̄ kə əda Ejekias najə̄ ń toō kə ədan na: Mā Kɔ́ɔ̄ɓē Nə́ɓā yā kaaí Dabid, m-ōō ndɔ̄ȳ yāí ō, m-á̰a̰ man̄ kumií ō. M-ā m-ə̄nī ndɔ̄í ta madə̄ tə́ kadə̄ asə ɓāl̄ kutə gidə i mí!

IJAI 38:1

Dan ngeé ń noō tə́ ní, mo̰y kógə̄ḿ kə́ a rāā deē anī a oy i mbée əhɔ Ejekias. Ijai nge koō ta kə́ ngōn̄ Amots reē go̰ō̰n tə́ ba əda najə̄ ń Kɔ́ɔ̄ɓē əndā tan tə́ ní na: Ī-kán̄ yá̰a̰ yāí gə̄ ī-tə́ndādə́ kə gōó. Tām̄ ā óy, gír ndi kə kumuú yāí gān̄g.

2 YÁ̰A̰ GƏ̄ 25:15

Wōn̄g rāā Kɔ́ɔ̄ɓē seneé adə̄ əla nge koō ta kógə̄ḿ adə̄ reē ədan na: Nə́ɓā gə̄ yā gír de gə̄ ń toō ń asən̄ taādə́ jīí tə́ aĺ ní ī-rɔȳdə́ i tām̄ rí tə́?

JOJUE 9:9

Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

JOJUE 9:6

ba aw̄n̄ rɔ̄ Jojue tə́ gérger kə́ Gilgal tə́, aw̄ ədan̄ Jojue ō, de kə́ dəngam gə̄ kə́ Israel tə́ ō na: J-ḭḭ i dɔ nang kə́ sa̰y tə́ n jə-reē rāā madə̄ naá sesí ní.

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

IJAI 39:4

Ijai ɔr̄ najə̄ ɓáý əda na: Yá̰á̰ kə́ kem kújə ngol yāí tə́ ń nin̄ a̰a̰n̄ ní i rí? Ejekias ədan na: Nin̄ a̰a̰n̄ yá̰a̰ malang. Yá̰a̰ yāḿ gə̄ kə́ gātə̄də́ i ngá̰ý gə̄ ní, m-ɔ́jə́də́ malang, m̄-mundə̄də́ yá̰á̰ kógə̄ḿ alé.

JEREMI 4:16

Ī-tāāī nápar de gə̄, ə́daī Jerusalem ādə̄ ger̄ gō yá̰á̰ ní. Ngé taā ɓē gə̄ ḭḭn̄ dɔ nang kə́ sa̰y ngá̰ý tə́ a reēn̄ noó. Nin̄ a əgan̄ kɔŕ dɔ ɓē bo gə̄ kə́ Juda tə́.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?