IJAI 39:2 - Bibəl ta Sar̄

² Ejekias rāā rɔ̄nel̄ tām̄ kugə̄ ń de gə̄ ní reē ugə̄n̄ tə́ ní. Ni-aw̄ sedə́ adə̄ a̰a̰n̄ kem kújə, loo ń ni a ngɔ̄m̄ yá̰á̰ kə́ gātə̄də́ i ngá̰ý gə̄ tū tə́ ní tə́. Yá̰a̰ gə̄ ní i gində̄ arjā̰a̰ ō, lɔ́r ō, ítər gə̄ ō, yibə̄ kə́ rāā ítər tū tə́ ō. Ni ɔjədə́ loo malang ń ni a ngɔ̄m̄ yá̰a̰ rɔ̄ɔ̄ yān gə̄ tū tə́ ní ō, ɔjədə́ yá̰a̰ malang kə́ kə́ kem loo ngɔ̄m̄ yá̰a̰ yān gə̄ tə́ ō. Ni mundə̄də́ yá̰á̰ kógə̄ḿ kə́ kem kújə yān tə́ aĺ ō, kem ɓē ko̰o̰ yān tə́ malang ní, ni mundə̄də́ yá̰á̰ kógə̄ḿ aĺ ō.

Bible sar

² Ejekias rāā rɔ̄nel̄ tām̄ kugə̄ ń de gə̄ ní reē ugə̄n̄ tə́ ní. Ni-aw̄ sedə́ adə̄ a̰a̰n̄ kem kújə, loo ń ni a ngɔ̄m̄ yá̰á̰ kə́ gātə̄də́ i ngá̰ý gə̄ tū tə́ ní tə́. Yá̰a̰ gə̄ ní i gində̄ arjā̰a̰ ō, lɔ́r ō, ítər gə̄ ō, yibə̄ kə́ rāā ítər tū tə́ ō. Ni ɔjədə́ loo malang ń ni a ngɔ̄m̄ yá̰a̰ rɔ̄ɔ̄ yān gə̄ tū tə́ ní ō, ɔjədə́ yá̰a̰ malang kə́ kə́ kem loo ngɔ̄m̄ yá̰a̰ yān gə̄ tə́ ō. Ni mundə̄də́ yá̰á̰ kógə̄ḿ kə́ kem kújə yān tə́ aĺ ō, kem ɓē ko̰o̰ yān tə́ malang ní, ni mundə̄də́ yá̰á̰ kógə̄ḿ aĺ ō.

IJAI 39:2 Referans Kwoze

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

2 YÁ̰A̰ GƏ̄ 32:25

Banī Ejekias ger̄ majə ń Nə́ɓā rāā seneé ní alé, ba ɔjə rɔ̄n ngá̰ý adə̄ Kɔ́ɔ̄ɓē rāā wōn̄g seneé ō, rāā wōn̄g kə ɓē kə́ Jerusalem ō, kə ɓē ko̰o̰ kə́ Juda ō.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

Makətūbə̄ yā Job 31:25

Ré i yá̰a̰ kənge yāḿ kə́ ngá̰ý n i rɔ̄nel̄ yāḿ ō, i yá̰á̰ ń m-ə́ngé ngá̰ý kə ta kūl̄ jīḿ ní n i rɔ̄nel̄ yāḿ ō,

2 KORḚNTƏ 12:7

Yá̰á̰ ń Nə́ɓā teē kumḿ dɔ tə́ ní, i yá̰á̰ kə́ bo ngá̰ý aĺ naā ō, ni gḛy kadə̄ m-ɔ́jə rɔ̄ḿ najə̄n tə́ aĺ ō. Adə̄ ni-əla kōn̄ kógə̄ḿ kem dā̰ḿ tə́, kōn̄ ní i de kə́ dɔ rā̰ tə́ kógə̄ḿ yā Sətan, kə́ kadə̄ əndam̄ na sōgə́ m-ɔ́jə rɔ̄ḿ.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

2 YÁ̰A̰ GƏ̄ 32:27

Yá̰a̰ kənge yā Ejekias i ngá̰ý ō, de gə̄ ɔrən̄ tan ngá̰ý ō. Ni-rāā kújə gə̄ kə́ yā ngɔ̄məń arjā̰a̰ ō, lɔ́r ō, mbal̄ gə̄ kə́ gātə̄də́ i ngá̰ý gə̄ ō, yá̰á̰ kə́ kotə majə gə̄ ō, der gə̄ ō, gotə yá̰á̰ kə́ rang kə́ tayā tayā gə̄ malang kə́ gātə̄də́ i ngá̰ý gə̄ ō.

2 YÁ̰A̰ GƏ̄ 9:9

Gō tə́ anī mban̄g kə́ dəyá̰ kə́ Saba adə̄ mban̄g Salomo̰ lɔ́ŕ kə́ kɔȳn asə kəlōo dūbú mətá kə dɔɔ́ ō, adə̄n yá̰á̰ kə́ kotə majə gə̄ ngá̰ý ō, adə̄n mbal̄ gə̄ kə́ gātə̄də́ i ngá̰ý gə̄ ō. Deē a̰a̰ yá̰á̰ kə́ kotə majə gə̄ kə́ tītə̄ ń noō kété aĺ ɓáý.

2 YÁ̰A̰ GƏ̄ 9:1

Mban̄g kə́ dəyá̰ kə́ Saba oō najə̄ yā Salomo̰ anī reē dəjen najə̄ kə́ ngan̄g gə̄ tə́ nāań kum kedə̄ yān. Ni-reē Jerusalem i kə de gēé ngá̰ý gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī dəjen najə̄ gə̄ malang ń ni núm̄ dəjen ní.

2 MBAN̄G 20:13

Ejekias rāā rɔ̄nel̄ ngámbang kəla gə̄ ń reē ugə̄n̄ ní ō, ɔjədə́ loo gə̄ ń a ngɔ̄m̄ yá̰a̰ kənge yān gə̄ tū tə́ ní ō malang. Ɔ̄jədə́ gində̄ arjā̰a̰ ō, lɔ́r ō, yá̰á̰ kə́ kɔtə majə gə̄ ō, yibə̄ kə́ rāā ndujə̄ yá̰á̰ kə́ kotə majə kum tə́ ō, yá̰a̰ rɔ̄ɔ̄ yān kə́ ngá̰ý gə̄ ō, yá̰a̰ malang kə́ loo ngɔ̄m̄ yá̰a̰ kənge yān gə̄ tə́ ō. Yá̰á̰ kə́ kem kújə yā Ejekias tə́, aláa kə́ dɔ nang yān tə́ kə́ ni ɔjədə́ aĺ gətóo.

1 MBAN̄G GƏ̄ 10:25

Kə dɔ ɓāl̄ gə̄ ń noō nin̄ a reēn̄ i kə yá̰á̰ kə́ rāā kə gində̄ arjā̰a̰ gə̄ ō, kə́ rāā kə lɔ́r gə̄ ō, kūbə̄ gə̄ ō, yá̰a̰ rɔ̄ɔ̄ gə̄ ō, yá̰á̰ kə́ kotə majə gə̄ ō, sə́nda gə̄ ō, kərō rapáy gə̄ ō n a ndējə̄n̄ Salomo̰ ní.

1 MBAN̄G GƏ̄ 10:15

kanjə̄ tə́da yā ngé njə̄rā mbā gə̄ ō, yā ngé rāā gātə̄ gə̄ ō, yā mban̄g gə̄ malang kə́ no ɓē tə́ ō, yā ngé ko̰o̰ ɓē gə̄ kə́ kem ɓēé ō.

1 MBAN̄G GƏ̄ 10:10

Gō tə́ anī mban̄g kə́ dəyá̰ kə́ Saba ní adə̄ mban̄g Salomo̰ lɔ́ŕ kə́ kɔȳn malang asə kəlōo dūbú mətá kə núsə ō, adə̄n yá̰á̰ kə́ kotə majə gə̄ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Yá̰á̰ kə́ kotə majə gə̄ ń ni reēń adə̄ mban̄g Salomo̰ ní, kə́ rang kə́ asə beé gətóo i kə́ bátə́ gə̄ tə́.

1 MBAN̄G GƏ̄ 10:2

Reē ugə̄ Jerusalem kə de kə́ ngá̰ý gēé gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī, yá̰a̰ malang ń ni núm̄ kemən tə́ yā kɔr̄ seneé ní ɔr̄ seneé.

1 JA̰A̰ 1:8

Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.