IJAI 38:3 - Bibəl ta Sar̄

³ Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.

Bible sar

³ Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.

IJAI 38:3 Referans Kwoze

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

NDŪ NAJƏ̄ 6:18

Ī-rāāī yá̰á̰ kə́ súmūú ō, yá̰á̰ kə́ majə ō, ta kum Kɔ́ɔ̄ɓē tə́ yā kadə̄ rɔ̄sí nelə̄ńsí ō, ī-taāīneé dɔ nang ń Kɔ́ɔ̄ɓē túbə ənīń míndən yā kadə̄ kaasí gə̄ ní ō.

PĀ GƏ̄ 6:8

Rɔ̄ḿ nelə̄m̄ aĺ bátə́ adə̄ kumḿ a̰a̰ loo kə gōó alé. Madə̄ ba̰ā̰ḿ gə̄ alə̄n̄ naā, adə̄ kumḿ a̰a̰ loo ngá̰ý alé.

1 YÁ̰A̰ GƏ̄ 29:19

Ādə̄ ngōnə̄ḿ Salomo̰ kem kə́ ndigə ngɔ̄m̄ gō míndí gə̄ ō, yá̰á̰ ndóō yāí gə̄ ō, yá̰a̰ gə̄ ń ī-ndang kadə̄ yā rāā gə̄ ní ō, tá kadə̄ rāań yá̰a̰ gə̄ ń noō malang ō, rāań kújə mban̄g ń m-ɔ́sə nja yá̰a̰ gə̄ ń toō malang naā tə́ yā rāań ní ō.

OJEE 12:4

Dan ń Jakob i kem kó̰o̰n tə́ ɓáý ní, ni-taā loo yā ngōkó̰o̰n. Dan ń ni tɔgə deē anī, ni rɔ̄ɔ̄ Nə́ɓā.

PĀ GƏ̄ 119:80

m̄-ndigə rāā yá̰a̰ gə̄ ń ī-ndang kadə̄ yā rāā ní kə ngarā̰ kemḿ malang. Loo ń noō tə́ rɔ̄ḿ a sɔlə̄m̄ alé.

PĀ GƏ̄ 102:9

Madə̄ ba̰ā̰ḿ gə̄ sāān̄ taḿ kə dɔ ndɔ̄ gə̄, wōn̄g rāādə́ ngá̰ý seḿ, nin̄ túbən̄ seḿ.

PĀ GƏ̄ 32:2

Rɔ̄nel̄ i kə deē ń Kɔ́ɔ̄ɓē əhɔ gír yá̰á̰ kə́ gōtə́ aĺ yān aĺ ō, deē ń gól̄ loo aĺ ō ní!

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

PĀ GƏ̄ 26:3

Kem majə yāí to i kə̄ ndágá ta kumḿ tə́ ō, m̄-rāā yá̰á̰ kə́ rɔ̄kum yāí gə̄ ō.

PĀ GƏ̄ 16:8

M-á̰á̰ Kɔ́ɔ̄ɓē ta kumḿ tə́ ngándáńg. Ni i dɔ jī ko̰ḿ tə́ adə̄ m-ā m̄-ndi ngan̄g.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

2 YÁ̰A̰ GƏ̄ 25:2

Amasia rāā yá̰á̰ kə́ gōtə́ ta kum Kɔ́ɔ̄ɓē tə́ ɓá tā ba i kə kemən kə́ nelən ngá̰ý alé.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

1 YÁ̰A̰ GƏ̄ 29:9

De gə̄ malang ń noō adə̄n̄ yá̰a̰ kənge yādə́ gə̄ tām̄ yā Kɔ́ɔ̄ɓē tə́ i kə kem kə́ majaá ō, rɔ̄də́ nel̄də́ tāmən tə́ ō. Rɔ̄ mban̄g Dabid nelə̄n ngá̰ý ō.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

1 MBAN̄G GƏ̄ 15:14

Ba de gə̄ əya̰n̄ loo ndɔ̄ȳ gə̄ kɔ̄ɔ́ alé. Ɓá tā ba Asa əndā kemən dɔ Kɔ́ɔ̄ɓē tə́ mámák kə dɔ ndɔ̄ gə̄ malang ń ni ndiń kə kumneé tə́ ní.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

IJAI 38:2

Anī Ejekias tūr̄ rɔ̄n kə̄ kadə bɔr tə́ ba ndɔ̄ȳ Kɔ́ɔ̄ɓē əda na:

IJAI 38:4

Kɔ́ɔ̄ɓē əda Ijai na kə

2 MBAN̄G 18:3

Ejekias rāā yá̰á̰ kə́ gōtə́ ta kum Kɔ́ɔ̄ɓē tə́ tītə̄ yā kaan Dabid jéjé.