IJAI 37:6 - Bibəl ta Sar̄

⁶ Anī Ijai ədadə́ na: Najə̄ ń Kɔ́ɔ̄ɓē əda toó āw̄ ə́daī kɔ́ɔ̄sí: Ḭ̄ ōō ndū gə̄ ń ngol áskar gə̄ yā mban̄g kə́ Asiri gə̄ tájə̄mə̄n̄ ní. Ī-lōō ɓōĺ yá̰a̰ gə̄ ń nin̄ ədan̄ ní.

Bible sar

⁶ Anī Ijai ədadə́ na: Najə̄ ń Kɔ́ɔ̄ɓē əda toó āw̄ ə́daī kɔ́ɔ̄sí: Ḭ̄ ōō ndū gə̄ ń ngol áskar gə̄ yā mban̄g kə́ Asiri gə̄ tájə̄mə̄n̄ ní. Ī-lōō ɓōĺ yá̰a̰ gə̄ ń nin̄ ədan̄ ní.

IJAI 37:6 Referans Kwoze

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

MARK 5:36

Ba loo ń Jeju oō najə̄ ń nin̄-ədan̄ ní anī, əda ngār kújə́ kán̄ naā na kə lōō ɓōĺ, ba kə taā kem ngóy.

MARK 4:40

Tā anī ni-ədadə́ na: I tām̄ rí tə́ á ī-ɓōlíī beé? Ī-taāī kem aĺ ɓáý a?

JOJUE 11:6

Kɔ́ɔ̄ɓē əda Jojue na: Ī-lōō ɓōĺ, tɔdɔ̄ bírí kə kum mbang ń toō, m-ā m̄-tetədə́ rɔ̄ɔ̄ rá tá m-ā m-ə́la nīńdə́ jī Israel gə̄ tə́ ɓáý. Ā ī-gán̄g ngəra nja sə́nda yādə́ gə̄ ō, ā ə́la hor dɔ rúsə́ sə́nda yādə́ gə̄ tə́ ō.

LEBI GƏ̄ 26:8

De gə̄ mí dansí tə́ ngɔ̄də̄n̄ madə̄ ba̰ā̰sí gə̄ ɓú ō, ba de gə̄ ɓú dansí tə́ a ngɔ̄də̄n̄ madə̄ ba̰ā̰sí gə̄ dūbú kutə ō. Ā ī-tɔ́sí madə̄ ba̰ā̰sí gə̄ kə kaskaraá kadə̄ a tə́sōn̄ nosí tə́.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

IJAI 37:5

De gə̄ ń mban̄g əladə́ ní aw̄ əngen̄ Ijai.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.