IJAI 37:4 - Bibəl ta Sar̄

⁴ Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

Bible sar

⁴ Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

IJAI 37:4 Referans Kwoze

IJAI 36:20

Dan nə́ɓā gə̄ malang yā ɓē gə̄ ń noō tə́ ní, i nge kə́ rá kə́ dandə́ tə́ n taā ɓē yān jīḿ tə́ ní? Ní, Kɔ́ɔ̄ɓē asə kɔgə̄m̄ taā ɓē kə́ Jerusalem a?

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

IJAI 36:18

Ī-lōōī kadə̄ Ejekias gól̄sí dan ń ədasí na Kɔ́ɔ̄ɓē na a gān̄g dɔsí ní. Nə́ɓā gə̄ ń i ɓesə̄ yā nápar de kə́ rang gə̄ ní ɔgə̄mə̄n̄ taā ɓē yādə́ a?

IJAI 36:13

Gō tə́ anī ngol ngé kadə̄ mban̄g yá̰a̰ ka̰ȳ ra dɔɔ́ ba əga kɔŕ əda kə ta Hebəroó na: Ōōī najə̄ ń mban̄g kə́ bo ń i mban̄g kə́ Asiri əda ní!

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

2 YÁ̰A̰ GƏ̄ 28:19

Kɔ́ɔ̄ɓē əla rɔ̄sɔl̄ dɔ ɓē ko̰o̰ kə́ Juda tə́ tītə̄ ń noō i najə̄ yā mban̄g Akaj tə́. Tām̄ Akaj sə̄lā deē yān gə̄ kadə rāān̄ Kɔ́ɔ̄ɓē nja bə̄yā̰ kə́ gogə́ tə́ ō, ni-rāā Kɔ́ɔ̄ɓē yá̰á̰ kə́ gōtə́ aĺ gə̄ ō.

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

2 MBAN̄G 17:18

Loo ń noō tə́ wōn̄g yā Kɔ́ɔ̄ɓē ḭḭ seneé kə Israel gēé, ni ɔydə́ aw̄ sedə́ sa̰y kɔ̄ɔ́ rɔ̄n tə́. I gír ɓē yā Juda ngóy n ndi gotoó ní.

2 SAMUEL 16:12

Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

1 SAMUEL 7:8

Nin̄ ədan̄ Samuel na: Ī-lōō ndi taí mbóo ō, kəya̰jí kɔ̄ɔ́ ō. Ī-nōō kə̄ dɔ Kɔ́ɔ̄ɓē Nə́ɓā yājí tə́ ādə̄ ajəjí jī Pilistin gə̄ tə́.

JOJUE 14:12

Adə̄ ādə̄m̄ gō nang kə́ mbalá ń Kɔ́ɔ̄ɓē əda najə̄n ndɔ̄ ngeé ń noō tə́ ní. Tɔdɔ̄ ndɔ̄ n noō tə́ ní ōō kadə̄ ngán Anak gə̄ ndin̄ tū tə́ ō, ɓē bo gə̄ kə́ ndogə̄ mbal̄ gīr̄ gidə gə̄ i tū tə́ ō. Ré Kɔ́ɔ̄ɓē i seḿ anī, m-ā m̄-tə̄ɓādə́ kɔ̄ɔ́ tītə̄ ń nəkɔ́ ədań ní.

IJAI 10:20

Kem ndɔ̄ɔ́ ń noō tə́ ní, gotə Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ táĺ yā Israel ní tə́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 37:5

De gə̄ ń mban̄g əladə́ ní aw̄ əngen̄ Ijai.

IJAI 37:17

Kɔ́ɔ̄ɓē, ī-nēl̄ mbīí ōoń, á̰a̰ā̰ majə. Ōō ndū ń ngámbang kəla yā Senakerib gə̄ tájīn̄ ḭ̄ Nə́ɓā kə́ ī-ndi kə kumií ní!

IJAI 37:31

Ngé kə́ kem ɓē ko̰o̰ yā Juda tə́ gə̄ ń a ndin̄ kə kumdə́ ní, a ton̄ tītə̄ ngōn̄ kāgə̄ beé. Nin̄ a télən̄ ngəradə́ kə́ kijə gə̄ gíŕ nángāá, ta jī gə̄ a anə̄n̄.

IJAI 37:32

A̰á̰ā̰, gotə de gə̄ ń na̰yn̄ ní a teēn̄ Jerusalem. Ngé gə̄ ń ndin̄ kə kumdə́ ɓáý ní, a ran̄ kə njadə́ dɔɔ́ dɔ mbal̄ Siyo̰ tə́. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā tə́ ní n noó.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

DANIEL 2:18

Ni mēr̄də́ rāā Nə́ɓā kə́ dɔ rā̰ tə́ ɓɔ́ kadə̄ rāā kem majə sedə́ ba kə ɔjədə́ nī kə́ to loo mundə̄ tə́ ní tá kadə̄ t ɔ̄l̄ə̄n̄neédə́ naā tə́ kə ngé kum kedə̄ gə̄ kə́ Babilon alé.

AMOS 7:2

Ba dan ń yim̄ gə̄ əsan̄ mu malang kə́ kem ɓēé kɔ̄ɔ́ anī, m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-mā̰ȳ rɔ̄í dɔ gír deē yāí gə̄ tə́! Ré i beé aĺ ní, nin̄ a télən̄ i rí? Nin̄ dūún̄ ngá̰ý!

2 YÁ̰A̰ GƏ̄ 34:21

Āwī āw̄ ōōī ta Kɔ́ɔ̄ɓē tām̄ yāḿ tə́ ō, tām̄ yā gotə Israel gə̄ ń na̰yn̄ ní tə́ ō, Juda gə̄ tə́ ō, sɔɔ̄ń najə̄ gə̄ yā makətūbə̄ ń teēn̄ dɔ tə́ ní. Tɔdɔ̄ wōn̄g ń rāā Kɔ́ɔ̄ɓē sejí ní i wōn̄g kə́ ngá̰ý, tām̄ kaají gə̄ rāān̄ yá̰á̰ ń Kɔ́ɔ̄ɓē əda ní alé, tɔdɔ̄ rāān̄ yá̰a̰ malang ń i kə́ ndang kem makətūbə̄ ń toō tə́ ní alé.

IJAI 1:8

I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.