IJAI 37:3 - Bibəl ta Sar̄

³ I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

Bible sar

³ I kadə̄ nin̄ ədan̄ *nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

IJAI 37:3 Referans Kwoze

OJEE 13:13

Kə́ tām̄ yān ni tə́ ɓáa, i kum mbang kə́ tām̄ yā ko̰y kə́ tītə̄ ko̰y kə́ ndɔ̄ kojə ngōn̄ tə́ beē. Banī Epəraim i ngōn̄ kógə̄ḿ kə́ kum kedə̄ yān gətóo. Ni-mbātə́ teē kem kó̰o̰n tə́ kɔ̄ɔ́.

IJAI 66:9

Kɔ́ɔ̄ɓē Nə́ɓā yāí dəje najə̄ əda na: Ré m̄-rāā adə̄ dəyá̰ ndān̄ ngōn̄ nāā ndōhó anī, i yā kadə̄ m-ɔ̄gə̄ ngōn̄ ní teē kem kó̰o̰n tə́ a? Ré i mā n i nge rāā kadə̄ ngōn̄ ndi kə kumneé anī, m-ā m-ɔ̄gə̄n ka̰a̰ loo kə́ ndángá a?

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

2 MBAN̄G 19:3

yā kədan na: Ejekias ɔr̄ najə̄ i beé əda na: Ɓōólaā i ndɔ̄ wur kɔl ō, ndéy ō, rɔ̄sɔl̄ ō! Ngán gə̄ əndān̄ rɔ̄də́ ta róbə́ tə́ yā teē kem kó̰də́ gə̄ tə́ kə̄ ndágá, banī tɔ́gə́ kə́ yā kojəńdə́ gətóo!

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

PĀ GƏ̄ 95:8

ī-lōōī rāā kem ngan̄g tītə̄ ń kaasí gə̄ rāān̄neé Meriba, ndɔ̄ kɔ̄l naā kə́ Masa tə́ kem dəla loo tə́ ní.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

2 YÁ̰A̰ GƏ̄ 15:4

Ba dan ń wur kɔl əsō dɔdə́ tə́ anī, tél reēn̄ gogə́ rɔ̄ Kɔ́ɔ̄ɓē tə́, rɔ̄ Nə́ɓā yā Israel tə́. Nin̄ sāān̄ Kɔ́ɔ̄ɓē ō, Kɔ́ɔ̄ɓē əya̰ rɔ̄n adə̄ əngenən̄ ō.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

IJAI 66:7

Jerusalem ojə ngōn̄ kété no rɔ̄tōr̄ yā kojə ngōn̄ tə́, ni ojə ngōn̄ kə́ dəngam pá tá kadə̄ rɔ̄n əla gír tōrə̄n ɓáý.

OJEE 5:9

Ndɔ̄ ń m-ā m-ə́ndań de gə̄ kə́ gír ɓē yā Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.