IJAI 37:2 - Bibəl ta Sar̄

² Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

Bible sar

² Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, *ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai *nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

IJAI 37:2 Referans Kwoze

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

IJAI 37:14

Ngámbang kəla gə̄ ń nin̄ i de gə̄ kə́ Asiri ní, makətūbə̄ ń nin̄ reēn̄neé ní, Ejekias taā tə́da. Gō tə́ anī ni-aw̄ kem kújə yā Kɔ́ɔ̄ɓē tə́, ba teē kem makətūbə̄ ní ta kum Kɔ́ɔ̄ɓē tə́.

IJAI 36:3

Anī, Eliakim ngōn̄ Hilkia ń i ngār kem ndogə̄ yā mban̄g ní ō, Sebəna nge ndang makətūbə̄ ō, Yoa kə́ ngōn̄ Asap ń i kɔdə̄ mbēr̄ ní ō n teē aw̄n̄ rɔ̄n tə́ ní.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

2 MBAN̄G 19:2

Gō tə́ anī əla Eliakim de kə́ dɔ yá̰a̰ kənge yā mban̄g tə́ ō, Sebəna nge ndang makətūbə̄ ō, ngé tun̄ yá̰á̰ kə́ ngé rāā kəla tun̄ yá̰á̰ kété joó gə̄ ō, rɔ̄ Ijai nge koō ta yā Nə́ɓā ń i ngōn̄ Amots ní tə́. Nin̄ malang o̰ō̰n̄ kūbə̄ sákə̄ tə́ rɔ̄də́ tə́ n aw̄n̄ ní,

2 MBAN̄G 18:18

Ran̄ loo ń noō tə́ ba gḛyn̄ kadə̄ mban̄g reē rɔ̄də́ tə́. Banī i Eliakim ngōn̄ Hilkia ń i ngār kem ndogə̄ yā mban̄g ní ō, Sebəna nge ndang makətūbə̄ ō, Yoa kə́ ngōn̄ Asap ń i kɔdə̄ mbēr̄ ní ō n teē aw̄n̄ rɔ̄də́ tə́ ní.

IJAI 20:2

Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

IJAI 22:15

Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ədam̄ na kə m-āw̄ kə m-ə́nge Sebəna ń i nge ngɔ̄m̄ yá̰a̰ kənge yā mban̄g ō, i kɔ́ɔ̄ kújə yā mban̄g ō ní, ba kə m-ə́dan na:

IJAI 22:20

Ndɔ̄ ngeé ń noō tə́ ní, m-ā m̄-ɓāŕ nge kəla yāḿ Eliakim kə́ ngōn̄ Hilkia.

IJAI 37:21

Loo ń noō tə́ Ijai kə́ ngōn̄ Amots əla əda Ejekias na: Najə̄ yā Senakerib mban̄g kə́ Asiri ń ɔ̄r̄ kə Kɔ́ɔ̄ɓē Nə́ɓā yā Israel ní, najə̄ ń ni əda ní n toó.

IJAI 38:1

Dan ngeé ń noō tə́ ní, mo̰y kógə̄ḿ kə́ a rāā deē anī a oy i mbée əhɔ Ejekias. Ijai nge koō ta kə́ ngōn̄ Amots reē go̰ō̰n tə́ ba əda najə̄ ń Kɔ́ɔ̄ɓē əndā tan tə́ ní na: Ī-kán̄ yá̰a̰ yāí gə̄ ī-tə́ndādə́ kə gōó. Tām̄ ā óy, gír ndi kə kumuú yāí gān̄g.

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.