IJAI 37:16 - Bibəl ta Sar̄

¹⁶ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ḭ̄ ń ī-ndi dɔɔ́ dɔ Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

Bible sar

¹⁶ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel, ḭ̄ ń ī-ndi dɔɔ́ dɔ *Serubḛ gə̄ tə́ ní, i īkɔ́ kógə̄ḿ beē ngóy n i Nə́ɓā yā ɓē ko̰o̰ gə̄ malang kə́ dɔ nang tə́. I ḭ̄ n ī-rāā dɔ rā̰ ō dɔ nang ō ní.

IJAI 37:16 Referans Kwoze

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

Teē Ngán Israel gə̄ 25:22

M-ā m-ə́ngeī i loo ń noō tə́. M-ā m̄-ndi i dɔ ta sandúkə́ tə́ dɔɔ́, dɔ dán de kə́ jōó gə̄ kə́ dɔ rā̰ tə́ kə́ ngé ngɔ̄m̄ loo gə̄ ń ndin̄ dɔ ta sandúkə́ tə́ ní, yā kədaīneé najə̄ gə̄ malang ń kadə̄ ə́dá ngán Israel gə̄ ní.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

1 SAMUEL 4:4

Ngán Israel gə̄ əlan̄ de gə̄ Silo adə̄ aw̄ reēn̄ kə sandúkə madə̄ naā yā Kɔ́ɔ̄ɓē nge tɔgə yá̰a̰ malang ń ndi dɔ de kə́ dɔ rā̰ tə́ gə̄ kə́ ngé ngɔ̄m̄ loo gə̄ tə́ ní. Ngán Eli kə́ jōó gə̄ ń i Hopəni nin̄ kə Pinas ní, nin̄ i kadə sandúkə madə̄ naā yā Nə́ɓā tə́.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

JA̰A̰ 1:3

Yá̰a̰ malang i kə́ rāā kə ta kūl̄ Najə̄ ní, adə̄ yá̰á̰ kógə̄ḿ kə́ teē kanjə̄n ni gətóo.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 40:28

Tá Kɔ́ɔ̄ɓē i Nə́ɓā, əla gír i jóó ngá̰ý ō, i mbóńg kə̄ non tə́ ō. Ədan̄ nge ń noō adə̄ sḭḭ̄ ōōī aĺ a? Ni-rāā dɔ nang malang kə taá. Tɔ́gən gətóo nja kógə̄ḿ alé, kɔr rāān nja kógə̄ḿ alé. De kə́ asə ger̄ rúu ter kə́ kemən tə́ gətóo.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

IJAI 8:13

Á̰a̰ ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n i de kə́ táĺ ní. I ni n majə kadə̄ ī-ɓōlíī gidən ní. I ni n majə kadə̄ ī-ɓōlíin̄ ní.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 146:6

Kɔ́ɔ̄ɓē rāā dɔ rā̰ ō dɔ nang ō, bā bo ō yá̰a̰ malang kə́ kum tə́ ō. Ni i nge ra dɔ ndūn tə́ ngándáńg.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

1 MBAN̄G GƏ̄ 18:32

Mbal̄ kə́ kutə gidə i jōó gə̄ ní Eli tél rāań loo tun̄ yá̰á̰ kə́ kə rī Kɔ́ɔ̄ɓēé gogə́ rang. Gō tə́ anī əja bəlo gīrəń gidə loo tun̄ yá̰á̰ ní. Bəlo ń ni-əja ní man̄ kem səmbē bo kógə̄ḿ a aw̄ kemeé malang karī.

2 SAMUEL 7:26

I beé tá rīí a ɓār̄ ngándáńg. De gə̄ a ədan̄ na Kɔ́ɔ̄ɓē kə́ bo kə́ tɔ́gən i ngá̰ý i Nə́ɓā yā Israel. Ī-rāā ādə̄ gír kojə yāḿ ndi ngan̄g ta kumií tə́.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

ESDRAS 1:3

Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ Juda tə́ aw̄ rāā kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

IJAI 37:15

Kutə̄ gō anī ni-ɔr̄ najə̄ ń toō kə Nə́ɓāá əda na:

IJAI 40:22

Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

1 MBAN̄G GƏ̄ 8:6

Ngé tun̄ yá̰a̰ gə̄ aw̄n̄ kə sandúkə madə̄ naā yā Kɔ́ɔ̄ɓēé əndān̄ loo ndin tə́ kem kújə́ ń a ɓārə́n̄ na i loo kə́ yā ɓōĺ gidə ní tə́, gír bɔ̄gə̄ de kə́ dɔ rā̰ tə́ kə́ ngɔ̄m̄ loo gə̄ tə́.