IJAI 37:12 - Bibəl ta Sar̄

¹² Dan ń mban̄g kə́ rang kə́ kété noḿ mā tə́ gə̄ nujən̄ ɓē gə̄ kə́ Gojan ō, Haran ō, Resep ō, Telasar ō, ɓē bo yā Edenitə gə̄ ō ní, nə́ɓā gə̄ yā nápar de gə̄ ń noō gə̄ gāngə̄n̄ dɔdə́ alé.

Bible sar

¹² Dan ń mban̄g kə́ rang kə́ kété noḿ mā tə́ gə̄ nujən̄ ɓē gə̄ kə́ Gojan ō, Haran ō, Resep ō, Telasar ō, ɓē bo yā Edenitə gə̄ ō ní, nə́ɓā gə̄ yā nápar de gə̄ ń noō gə̄ gāngə̄n̄ dɔdə́ alé.

IJAI 37:12 Referans Kwoze

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

2 MBAN̄G 19:12

Ɓē kə́ Gojan ō, Haran ō, Resep ō, ngáń kə́ Eden tə́ gə̄ ń ndin̄ Telasar á mban̄g kə́ Asiri tə́ kə́ kété noḿ tə́ gə̄ nujən̄də́ sák sák kɔ̄ɔ́ ní ō ní, ɓesə̄ yādə́ gə̄ taān̄də́ əya̰n̄də́ dɔɔ́ noō a?

2 MBAN̄G 18:11

Mban̄g kə́ Asiri ɔy Israel gə̄ aw̄ sedə́ dɔ nang kə́ Asiri tə́, aw̄ tə̄ndādə́ gō nang kə́ Hala tə́ ō, dɔ gɔ́sə Habor ń i bā kə́ gō nang kə́ Gojan tə́ ní ō, kem ɓē gə̄ kə́ Medi tə́ ō.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

AMOS 1:5

M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.

IJAI 36:20

Dan nə́ɓā gə̄ malang yā ɓē gə̄ ń noō tə́ ní, i nge kə́ rá kə́ dandə́ tə́ n taā ɓē yān jīḿ tə́ ní? Ní, Kɔ́ɔ̄ɓē asə kɔgə̄m̄ taā ɓē kə́ Jerusalem a?

TA KƏLA 29:4

Jakob əda ngé ngɔ̄m̄ yá̰a̰ kul̄ gə̄ ní na: Ngákó̰ó̰ḿ gə̄, sḭḭ̄ i de kə́ ɓē kə́ rá tə́ gə̄? Anī nin̄ tél ədanən̄ na nin̄ na i de kə́ Haran gə̄.

TA KƏLA 28:10

Jakob ḭḭ Beer Seba aw̄ kə̄ Haran.

TA KƏLA 12:14

Dan ń Abəram ugə̄ Ejiptə tə́ anī, de kə́ Ejiptə tə́ gə̄ a̰a̰n̄ kadə̄ nə̄yá̰n mandə ngá̰ý.

TA KƏLA 2:8

Gō tə́ anī, Kɔ́ɔ̄ɓē Nə́ɓā rāā ndɔr̄ gō nang kə́ Eden tə́, dām̄ kə́ gír ɓē tə́, ba əndā deē ní tū tə́.

IJAI 37:13

Mban̄g gə̄ kə́ Hamat ō, Arpad ō, Lair ō, Separbaim ō, Hena ō, Aba ō ní, nin̄ i rá?

TA KƏLA 11:32

Tera rāā ɓāl̄ ɓú jōó kə kalən kə́ mí anī, oy dɔ nang kə́ Haran tə́.

IJAI 36:18

Ī-lōōī kadə̄ Ejekias gól̄sí dan ń ədasí na Kɔ́ɔ̄ɓē na a gān̄g dɔsí ní. Nə́ɓā gə̄ ń i ɓesə̄ yā nápar de kə́ rang gə̄ ní ɔgə̄mə̄n̄ taā ɓē yādə́ a?

IJAI 36:19

Nə́ɓā gə̄ yā ɓē kə́ Hamat ō, yā ɓē kə́ Arpad ō, rāān̄ i rí? Tá nə́ɓā gə̄ yā ɓē kə́ Separbaim nin̄ rāān̄ i rí? Nin̄ ɔgə̄mə̄n̄ taā ɓē kə́ Samari a?