IJAI 37:1 - Bibəl ta Sar̄

¹ Dan ń mban̄g Ejekias oō najə̄ ní anī, rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem kújə yā Kɔ́ɔ̄ɓē tə́.

Bible sar

¹ Dan ń mban̄g Ejekias oō najə̄ ní anī, *rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem *kújə yā Kɔ́ɔ̄ɓē tə́.

IJAI 37:1 Referans Kwoze

IJAI 36:22

Gō yá̰á̰ ń noō tə́ anī, Eliakim kə́ ngōn̄ Hilkia ń i ngār kə́ dɔ kújə ngol yā mban̄g tə́ ní ō, Sebəna nge ndang makətūbə̄ ō, Yoa kə́ ngōn̄ Asap ń i ngōmbang kəla yā mban̄g ní ō, rə́yā̰n̄ kūbə̄ yādə́ gə̄. Nin̄ tél reēn̄ rɔ̄ Ejekias tə́ ba ɔjənən̄ gotə najə̄ ń ngol áskar gə̄ kə́ dɔ madə̄ gə̄ tə́ ń i de kə́ Asiri ní əda ní.

ESDRAS 9:5

Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

2 MBAN̄G 22:11

Dan ń mban̄g oō najə̄ kə́ kem makətūbə̄ ndū najə̄ tə́ oy anī, rə́yā̰ kūbə̄ gə̄ kə́ rɔ̄n tə́.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

JEREMI 36:24

Mban̄g ō, ngé kəla yān gə̄ ō ń oōn̄ najə̄ gə̄ ń toō ní ɓōĺ rāādə́ aĺ ō, rə̄yā̰n̄ kūbə̄ kə́ rɔ̄də́ tə́ gə̄ aĺ ō.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

2 YÁ̰A̰ GƏ̄ 32:20

Loo ń noō tə́ mban̄g Ejekias nin̄ kə Ijai nge koō ta kə́ ngōn̄ Amots ndɔ̄ȳn̄ tām̄ yā najə̄ ń noō tə́ ō, əgan̄ kɔŕ kə̄ dɔɔ́ dɔ rā̰ tə́ ō.

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 37:14

Ngámbang kəla gə̄ ń nin̄ i de gə̄ kə́ Asiri ní, makətūbə̄ ń nin̄ reēn̄neé ní, Ejekias taā tə́da. Gō tə́ anī ni-aw̄ kem kújə yā Kɔ́ɔ̄ɓē tə́, ba teē kem makətūbə̄ ní ta kum Kɔ́ɔ̄ɓē tə́.