IJAI 34:9 - Bibəl ta Sar̄

⁹ Man̄ dɔ mbal̄ gə̄ kə́ dɔ nang kə́ Edom tə́ a télən̄ bā gudəro̰ gə̄, nang kə́ Edom a tél bursu kə́ təngā. Ɓē ngeé ń toō a to tītə̄ gudəro̰ kə́ o̰o̰ hor beé.

Bible sar

⁹ Man̄ dɔ mbal̄ gə̄ kə́ dɔ nang kə́ Edom tə́ a télən̄ bā gudəro̰ gə̄, nang kə́ Edom a tél bursu kə́ təngā. Ɓē ngeé ń toō a to tītə̄ gudəro̰ kə́ o̰o̰ hor beé.

IJAI 34:9 Referans Kwoze

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

Najə̄ kə́ Majə yā Jeju ń Luk ndang ní 17:29

Ba ndɔ̄ ń Lot teēń kem ɓē kə́ Sodom tə́ ní, Nə́ɓā rāā adə̄ hor ō, hor bursu ō ḭḭn̄ dɔ rā̰ tə́ edən̄ man̄ tə́ kə̄ dɔdə́ tə́, adə̄ nin̄ malang oyn̄ kɔ̄ɔ́.

Makətūbə̄ yā Job 18:15

Kújə yān a ra i kem karī, de kə́ rang asə ndi tū tə́. A selə́n̄ bursu dɔ dɔ nang yān tə́.

TA KƏLA 19:28

Ni-a̰a̰ loo kum kə̄ Sodom ō, Gomor ō, dām̄ kə́ ndágə loo tə́ ō anī, a̰a̰ sa hor kə́ tītə̄ sa hor mbō beé, əɓa tū tə́ luk luk.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.