IJAI 34:8 - Bibəl ta Sar̄

⁸ I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ Siyo̰ tə́ a dəjeńdə́ gíŕ yá̰a̰ rāādə́ gə̄ ní.

Bible sar

⁸ I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ *Siyo̰ tə́ a dəjeńdə́ gíŕ yá̰a̰ rāādə́ gə̄ ní.

IJAI 34:8 Referans Kwoze

IJAI 63:4

Kemḿ tə́ ní m̄-ndigə i dal ba̰ā̰ḿ. Kum mbang gān̄g dɔ gír deē yāḿ gə̄ asə.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

PĀ GƏ̄ 94:1

Kɔ́ɔ̄ɓē, Nə́ɓā kə́ nge rāā ba̰ā̰, Nə́ɓā kə́ nge rāā ba̰ā̰, ɔ́jə kə̄ ndágá kadə̄ ī-ndi noó.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

MISE 6:1

Ōōī najə̄ ń Kɔ́ɔ̄ɓē ədam̄ ní, ni ədam̄ na kə m-āw̄ kə m̄-rɔ̄ɔ̄ dɔn tə́ loo sarya tə́! Na kə m-ɔ́jə́ gīr̄ yān kə̄ no mbal̄ bo gə̄ tə́ ō, kə̄ no ngán mbal̄ gə̄ tə́ ō.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

JEJU TEĒ KUM JA̰A̰ 14:11

Hor ń yá̰á̰ kə́ tōr̄ rāādə́ kum tə́ ní, saan əɓa guy guy kə dɔ ɓāl̄ gə̄ ɓāl̄ gə̄. De gə̄ ń rɔȳn̄ dā̰ ní ō, ndíĺ yá̰á̰ kə́ ɔsə kum gotə dā̰ ní ō, deē ń adə̄ əndān̄ tə́ré yá̰á̰ kə́ ɔsə kum gotə rī dā̰ ní rɔ̄n tə́ ō ní, de gə̄ ń noō a ɔrə̄n̄ koō kadaá aĺ ō ndɔ̄ɔ́ aĺ ō.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

IJAI 47:3

De gə̄ a a̰ā̰n̄ rɔ̄ karī yāí, a a̰a̰n̄ yá̰á̰ ń rāāī adə̄ rɔ̄í sɔlī ní. M-ā m̄-dal ba̰ā̰ rɔ̄ḿ ō, de kə́ yā kɔgə̄m̄ a gətóo ō.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

JOEL 3:4

Mbang a tél loo kə́ risə til nding ō, nāā a tél mósə ō, pá tá kadə̄ ndɔ̄ yā Kɔ́ɔ̄ɓē ń i ndɔ̄ kə́ bo ngá̰ý ō, to ɓōĺ ngá̰ý ō ní ugə̄ ɓáý.

IJAI 13:9

Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.