IJAI 34:6 - Bibəl ta Sar̄

⁶ Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

Bible sar

⁶ Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ *yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

IJAI 34:6 Referans Kwoze

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

JEREMI 51:40

M-āw̄ sedə́ loo tɔ̄l̄ dā̰ gə̄ tə́ tītə̄ bal batə̄ gə̄ beé ō, tītə̄ kó̰o̰ batə̄ gə̄ naā tə́ kə bal bə̄yā̰ gēé ō.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

IJAI 63:3

A̰á̰ā̰, i mə̄kɔ́ kə kérə́ḿ n m̄-mbə́rē kan̄ nduú loo mbə́rē kan̄ nduú tə́ ní. De kə́ dan gír de gə̄ tə́ kə́ seḿ gətóo. Loo ń noō tə́ wōn̄g rāām̄ ngá̰ý, adə̄ m̄-mbə́rēdə́, m̄-tə̄ɓādə́ kə wōn̄g kə́ ngá̰ý. Mósə́də́ kə́rā kə̄ tū kūbə̄ yāḿ gə̄ tə́ adə̄ kūbə̄ yāḿ gə̄ malang i kə́ m̄-rāā adə̄ mósə́də́ tákə̄.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.

EJEKIEL 21:10

Loo ń noō tə́ de gə̄ malang a gerə̄n̄ kadə̄ mā Kɔ́ɔ̄ɓē m-ɔ̄r̄ kaskar yāḿ kem hɔ̄pə̄n tə́ ō, m-ā m̄-tél yā kəla gogə́ to̰ aĺ ō.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

2 SAMUEL 1:22

mósə madə̄ ba̰ā̰ gə̄ ō, yibə̄ go̰ rɔ̄ɔ̄ yā madə̄ ba̰ā̰ gə̄ ō ní. Əlan̄ rɔ̄sɔl̄ dɔ ga̰ gəra yā Jonatan ń tél kə goneé aĺ tə́ ní ō, dɔ kaskar yā Saul ń a tél a udə gogə́ kem hɔ̄pə̄n tə́ karī aĺ ní ō.

1 YÁ̰A̰ GƏ̄ 1:44

Dan ń Bela oy ní i Yobab kə́ ngōn̄ Jera kə́ Bosra n o̰o̰ ɓē gotən tə́ ní.

PĀ GƏ̄ 137:7

Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

EJEKIEL 35:8

M-ā m-ūtə̄ dɔ mbal̄ yāí gə̄ kə nīń de gēé. De gə̄ malang ń a tɔ̄lə̄n̄də́ ta rɔ̄ɔ̄ tə́ ní, a tə́sōn̄ dɔ ngán mbal̄ yāí gə̄ tə́ ō, kum wól loo yāí gə̄ tə́ ō, kum wól man̄ dɔ mbal̄ yāí gə̄ tə́ ō.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.