IJAI 34:5 - Bibəl ta Sar̄

⁵ Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

Bible sar

⁵ Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

IJAI 34:5 Referans Kwoze

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

JEREMI 47:6

I yá̰á̰ kə́ to kum kaȳ aĺ kə́ ba̰ý beē! Kaskar yā Kɔ́ɔ̄ɓē, ā ī-taā koō i rə́ngáý tə́? Ī-tél údə kem hɔ̄pīí tə́ gogə́. Ī-ndi jəke kanjə̄ rāā yá̰a̰.

IJAI 24:6

I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

PĀ GƏ̄ 137:7

Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!

PĀ GƏ̄ 17:13

Kɔ́ɔ̄ɓē, ḭ́ḭ dɔɔ́! Ī-tā̰ madə̄ ba̰ā̰ḿ gə̄ rɔ̄ɔ̄, ə̄sō sedə́ nang tə́, ī-taām̄ jī ngé kem ndul gə̄ tə́ kə kaskar yāí.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

EJEKIEL 32:29

Edom ō, mban̄g yādə́ gə̄ ō, ngār yādə́ gə̄ ō ní, nin̄ i noó ō. Nin̄ əhɔn̄ rɔ̄də́ tɔ́gə́ ɓá tā, banī ɓoon̄də́ naā tə́ kə de gə̄ ń oyn̄ ta rɔ̄ɔ̄ tə́ ní. Dubə̄n̄də́ naā tə́ kə de kə́ dəngam kə́ kəja mɔtədə́ aĺ gə̄ ń aw̄n̄ ɓádá ní.

EJEKIEL 35:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 35:8

M-ā m-ūtə̄ dɔ mbal̄ yāí gə̄ kə nīń de gēé. De gə̄ malang ń a tɔ̄lə̄n̄də́ ta rɔ̄ɔ̄ tə́ ní, a tə́sōn̄ dɔ ngán mbal̄ yāí gə̄ tə́ ō, kum wól loo yāí gə̄ tə́ ō, kum wól man̄ dɔ mbal̄ yāí gə̄ tə́ ō.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

IJAI 21:11

Najə̄ yā Duma. De kógə̄ḿ ra Seir əga kɔŕ adə̄ m-ōō ndūn, ni ədam̄ na: Nge ngɔ̄m̄ loo, ə́da na i rí dɔ loo kə́ ndɔ̄ɔ́ tə́? Nge ngɔ̄m̄ loo, ə́da na i rí dɔ loo kə́ ndɔ̄ɔ́ tə́?

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.