IJAI 34:3 - Bibəl ta Sar̄

³ Nīń de gə̄ yādə́ gə̄ taā loo dɔ nang tə́, rɔ̄ de gə̄ yādə́ gə̄ otə ndum, mósə́də́ a̰ȳ dɔ mbal̄ bo gə̄ tə́ tītə̄ man̄ dɔ mbal̄ beé.

Bible sar

³ Nīń de gə̄ yādə́ gə̄ taā loo dɔ nang tə́, rɔ̄ de gə̄ yādə́ gə̄ otə ndum, mósə́də́ a̰ȳ dɔ mbal̄ bo gə̄ tə́ tītə̄ man̄ dɔ mbal̄ beé.

IJAI 34:3 Referans Kwoze

JOEL 2:20

M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

IJAI 34:7

Dɔgə gə̄, kə man̄g kə́ bəra gə̄ ō, kə man̄g gə̄ ō əsōn̄ ndɔ̄ naā tə́. Mósə taā loo dɔ nang tə́ ō, mból dā̰ taā loo dɔ nang tə́ ō.

JEJU TEĒ KUM JA̰A̰ 14:20

Ba mbə́rēn̄ kan̄ kāgə̄ nduú gə̄ kem bay ní tə́ gidə ɓē tə́ ndágá, adə̄ mósə teē tū tə́. Mósə́ ń teē ní ḭḭ bátə́ ugə̄ tū jámá kə́ ta sə́nda gə̄ tə́ dɔɔ́ ō, laa loo ń mósə taā ní, asə kəlā kūbə̄ dūbú sɔ́ kə kə́ kutə sɔ́sɔ́ ō.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

EJEKIEL 39:11

Kum mbang ngeé ń noō tə́ ní, m-ā m-ādə̄ Gog loo, loo ngeé ń noō tə́ kadə̄ dubə̄nən̄ tū tə́ dɔ nang kə́ Israel tə́. I kem wól loo ń rīn na i Ngé mān̄ róbə gə̄ ní tə́. Ré deē ra bā bo tə́ anī, loo ní i kə̄ dām̄ kə́ gír ɓē tə́ ō, bəlo ɓádə́ ní a ɔgə̄ ngé mān̄ róbə gə̄ mān̄ ō. A dubə̄n̄ Gog ō, ngé rɔ̄ɔ̄ yān gə̄ malang ō, i loo ngeé ń noō tə́. A əndān̄ rī loo ní na i Wól loo yā Kósə de gə̄ yā Gog.

EJEKIEL 38:22

M-ā m̄-gān̄g sarya dɔí tə́ kadə̄ mo̰y ngāl̄bɔ̄gīí əsō dɔí tə́ ō, kadə̄ óy ta rɔ̄ɔ̄ tə́ ō. M-ā m-ə́la kə man̄ kə́ edə ngá̰ý ō, kɔ̄sə̄ ō, hor bursu ō, bumbə́ru kə́ təngā ō, dɔí tə́ ō, dɔ ngé rɔ̄ɔ̄ yāí gə̄ tə́ ō, dɔ de kə́ ngá̰ý gə̄ ń ɓoon̄ rɔ̄də́ tū yāí tə́ ní ō.

EJEKIEL 35:6

I tām̄ najə̄ ń toō tə́ n, tītə̄ ń m̄-ndiń kə kumḿ rɔ̄kum noó ní, najə̄ ń mā Kɔ́ɔ̄ɓē Nə́ɓā m-ə́dá ní n toó ní: M-ā m̄-ɓōkə́ mósə deē nang tə́ ɓēé looí. A̰á̰ā̰, mósə deē ń ḭ̄ ī-ɓōkə́ nang tə́ ní, gḛy kadə̄ deē əgā kə̄rān. Ḭ̄ ī-ɓōkə́ mósə deē nang tə́ kanjə̄ kɔr bā̰ā̰ ní, a ɓōkə́n̄ mósí nang tə́ ō.

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

NAHUM 3:3

Ngé kal̄ sə́nda gə̄ ɔrə̄n̄ rɔ̄də́ dɔɔ́. Yá̰a̰ rɔ̄ɔ̄ gə̄ ndə́lēn̄ pipir tītə̄ ta ndo̰o̰ hor gə̄ beé. Nənga gə̄ ndə́lēn̄ pipir tītə̄ hor kə́ kə́rā beé. Loo malang i nīń. Nīń de gə̄ to kə̄ dɔ naā tə́. De kə́ asə tə́da kutədə́ gətóo. Nīń de gə̄ tə́gā nja áskar gə̄!

EJEKIEL 32:4

M-ā m-ə̄nī nang tə́ dan bembeé. M-ā m̄-rāā kadə̄ loo ń noō tə́ yel̄ gə̄ malang a reēn̄ dɔí tə́ ō, dā̰ kə́ bembeé gə̄ malang a əsan̄ dā̰í ō.