IJAI 34:16 - Bibəl ta Sar̄

¹⁶ Ré ī-sāāī kem makətūbə̄ yā Kɔ́ɔ̄ɓē tə́ anī, ā ásiī tə́da najə̄ gə̄ ń toō: Dā̰ gə̄ ngeé ń toō ní, nge kógə̄ḿ kə́ na̰y kɔ̄ɔ́ gətóo. I Kɔ́ɔ̄ɓē n i nge kədadə́ yá̰á̰ kə́ kadə̄ rāān̄ ní, i Ndílən n ɔsə dɔdə́ naā tə́ ní.

Bible sar

¹⁶ Ré ī-sāāī kem makətūbə̄ yā Kɔ́ɔ̄ɓē tə́ anī, ā ásiī tə́da najə̄ gə̄ ń toō: Dā̰ gə̄ ngeé ń toō ní, nge kógə̄ḿ kə́ na̰y kɔ̄ɔ́ gətóo. I Kɔ́ɔ̄ɓē n i nge kədadə́ yá̰á̰ kə́ kadə̄ rāān̄ ní, i Ndílən n ɔsə dɔdə́ naā tə́ ní.

IJAI 34:16 Referans Kwoze

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

JOJUE 1:8

Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

IJAI 30:8

Kɔ́ɔ̄ɓē əda Ijai na: Ngɔlaā ní, ī-ndang yá̰a̰ gə̄ ń toō dɔ bar mbal̄ tə́, ta kum de kə́ Jerusalem gə̄ tə́. Ndɔ̄ń tə́ anī, nge ń noō a tél i yá̰á̰ kə́ kum tə́ kə́ a to ngándáńg.

JA̰A̰ 10:35

Jə-ger̄ kadə̄ yá̰á̰ n makətūbə̄ yā Nə́ɓā əda ní, deē a ɔr̄ kɔ̄ɔ́ alé. De gə̄ ń Nə́ɓā ɔr̄ najə̄ sedə́ ní, ni-ɓāŕdə́ na i nə́ɓā gə̄.

Gōsə̄ najə̄ gə̄ 23:12

Ə̄ndā kumií gír yá̰a̰ gə̄ ń a ɔjə̄nī ní tə́ ō, ī-nēl̄ mbīí ōoń yá̰á̰ ń a ndóōnī ní tə́ ō.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 10:21

Banī yá̰á̰ ń ndagnən̄ kem makətūbə̄ najə̄ kə́ rɔ̄kum tə́ ní, m-ā m-ə́daī kété kadə̄ ōō. De kə́ rang kə́ rāā seḿ kadə̄ m̄-rɔ̄ɔń de gə̄ ń noō gətóo, ba i Misel ń i ngār yāsí ní ngóy.

IJAI 58:14

Loo ń noō tə́ ā ə́nge rɔ̄nel̄ yāí i kemḿ mā tə́. M-ā m̄-rāā kadə̄ ā ī-mān̄ tītə̄ nge tetə rɔ̄ɔ̄ beé dɔ mbal̄ bo gə̄ kə́ kem ɓēé tə́. Dɔ nang ń kaaí Jakob ənge kə́ yá̰a̰ halan tə́ ní, m-ā m̄-rāā kadə̄ ā ə́ngé yá̰a̰ tū tə́. Yá̰á̰ ń Kɔ́ɔ̄ɓē ənī ndūn yā rāā ní n noó.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

TA KƏLA 6:17

Ba m-ā m̄-rāā kadə̄ man̄ kaw̄ kə́ ngá̰ý a taā loo dɔ nang tə́ yā tɔ̄ləń yá̰a̰ malang kə́ ndi kə kumuú kɔ̄ɔ́. Yá̰a̰ malang kə́ dɔ nang tə́ a oy.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

IJAI 21:17

Dan ngé rɔ̄ɔ̄ gə̄ kə́ Kedar tə́ ní, ngé kur gərā gə̄ a na̰yn̄ i sḛ́ý beē ngóy. Najə̄ ń Kɔ́ɔ̄ɓē, Nə́ɓā yā Israel, əda ní n noó.