IJAI 34:13 - Bibəl ta Sar̄

¹³ Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

Bible sar

¹³ Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

IJAI 34:13 Referans Kwoze

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

MALASI 1:3

banī i Esau alé. Kété ní, de gə̄ kə́ kem kojə yā Esau tə́ ndin̄ i gō nang kə́ mbalá tə́. Mā m̄-rāā gō nang ní adə̄ tél dəla loo ō, m-ādə̄ tal̄ gə̄ ɓē yādə́ ō.

PĀ GƏ̄ 44:19

J-əya̰ gōí aĺ ō, jə-tɔ̄ kɔ̄ɔ́ dɔ róbə yāí tə́ aĺ ō.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 49:33

Hasor tél loo ra tal̄ gə̄ ō, tél ndágə loo kə́ to kum ko̰ kə́ njɔ́ḿ gə̄ tə́ ō, de kə́ yā kaw̄ ndi kemeé gətóo ō.

IJAI 35:7

Nán̄g ngárə̄ḿnjēý kə́ təngā a tél dang man̄ kə́ bo, nang kə́ kəndā man̄ a rāā de gə̄ tū tə́ a tél gō nang kə́ man̄ gə̄ a əɓan̄ nang tə́ tū tə́. Loo ń kété tal̄ gə̄ rāān̄ ɓē tū tə́ ní, mu tə̄ɓā ō mu papirus ō a əɓan̄ tū tə́.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

JEREMI 51:43

Ɓē yān gə̄ télən̄ i loo kə́ to kum ko̰ gə̄ ō, i loo gə̄ kə́ man̄ əhɔ laa tū tə́ ō, kə̄sā gə̄ i tū tə́ ō, deē ndi tū tə́ aĺ ō, deē mān̄ tū tə́ aĺ ō.