IJAI 34:11 - Bibəl ta Sar̄

¹¹ Kɔȳ múu gə̄ ō, kɔȳ mbə́rām̄jóo ō a ndin̄ kemeé, kɔȳ kōrōrōý ō, ká̰ā̰ ō, a rāān̄ ɓē kemeé. Kɔ́ɔ̄ɓē a nujə ɓē, adə̄ a to i tītə̄ loo kə́ ndágə doy keē ndi tū tə́ alé.

Bible sar

¹¹ Kɔȳ múu gə̄ ō, kɔȳ mbə́rām̄jóo ō a ndin̄ kemeé, kɔȳ kōrōrōý ō, ká̰ā̰ ō, a rāān̄ ɓē kemeé. Kɔ́ɔ̄ɓē a nujə ɓē, adə̄ a to i tītə̄ loo kə́ ndágə doy keē ndi tū tə́ alé.

IJAI 34:11 Referans Kwoze

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

IJAI 24:10

Ɓē bo ń de gə̄ i ngá̰ý tū tə́ aĺ ní əsō, ta kújə gə̄ malang ran̄ i kə kutú, deē asə kudə kemeé to̰ alé.

PĀ GƏ̄ 102:6

m̄-to i dan to̰ō̰ tə́ bátə́ adə̄ ń toō na̰y i kə̄ngāḿ ngóy.

IJAI 34:17

Núsən gə̄ kə́ tām̄ yādə́ gə̄ tə́ kógə̄ḿ kógə̄ḿ ní, i wə̄lā ń ni túgə̄ ní n əhɔ adə̄də́ ní. Ni un kəlā yān yā mbɔ̄jə́nń núsə dɔ nang gə̄ kə́ tām̄ yādə́ gə̄ tə́ kem ɓēé. Nin̄ a əngen̄ núsə dɔ nang gə̄ ní tām̄ yādə́ tə́ i kə́ njɔ́ḿ gə̄ tə́. Nin̄ a ndin̄ loo ní tə́ i kə dɔ gír kojə yādə́ gēé.

AMOS 7:8

Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

LEBI GƏ̄ 11:16

burum, gabə kɔsə, yel̄ dɔ bā, gír nənga kə́ tayā tayā gə̄,