IJAI 34:1 - Bibəl ta Sar̄

¹ Sḭḭ̄ nápar de gə̄, ī-ndɔ́tī kə̄ ngɔr ōōiń najə̄, sḭḭ̄ de kə́ kem ɓēé gə̄, ī-nēlī mbīsí! Ādə̄ dɔ nang kə yá̰a̰ malang kə́ tū tə́ oō najə̄! Ādə̄ dɔ rā̰ ō dɔ nang ō, yá̰a̰ malang kə́ teē tū tə́ ō oōn̄ najə̄!

Bible sar

¹ Sḭḭ̄ nápar de gə̄, ī-ndɔ́tī kə̄ ngɔr ōōiń najə̄, sḭḭ̄ de kə́ kem ɓēé gə̄, ī-nēlī mbīsí! Ādə̄ dɔ nang kə yá̰a̰ malang kə́ tū tə́ oō najə̄! Ādə̄ dɔ rā̰ ō dɔ nang ō, yá̰a̰ malang kə́ teē tū tə́ ō oōn̄ najə̄!

IJAI 34:1 Referans Kwoze

1 KORḚNTƏ 10:26

Tɔdɔ̄ ndangən̄ kem makətūbə̄ yā Nə́ɓā tə́ na: Dɔ nang ō, yá̰a̰ malang kə́ tū tə́ ō, i yā Kɔ́ɔ̄ɓē.

IJAI 43:9

Ādə̄ de kə́ kem ɓēé gə̄ kánə̄n̄ naā, ādə̄ nápar de gə̄ malang ɔsən̄ dɔdə́ naā tə́! Yá̰á̰ ń a rāā yá̰a̰ toó ní, i náā kə́ dandə́ tə́ n asə kəda kété no tə́ ní? I náā n asə kədají yá̰á̰ ń rāā yá̰a̰ kɔ̄ɔ́ ɓá ní? Ādə̄ nin̄ reēn̄ kə de gə̄ kə́ kum tə́ yādə́ gēé yā kɔjəń kadə̄ najə̄ i yādə́! Ādə̄ de kə́ kum tə́ yādə́ gə̄ ní oōn̄ najə̄ kɔr̄də́ ba ədan̄ na: I najə̄ kə́ rɔ̄kum!

IJAI 41:1

Kɔ́ɔ̄ɓē əda na: Sḭḭ̄ gír de gə̄ ń ī-ndiī sa̰y ní, ī-ndiī tasí mbóo ōōiń najə̄ yāḿ. Sḭḭ̄ de kə́ kem ɓēé gə̄ malang, ī-téĺ ə́hɔī rɔ̄sí tɔgə gogə́ rang. Ī-ndɔ́tī kə̄ kété ba ɔ̄rī najə̄! A̰á̰ā̰, j-awī naā tə́ malang loo sarya tə́.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

JEREMI 22:29

Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

IJAI 33:13

Sḭḭ̄ ń ī-ndiī sa̰y ní, ōōī yá̰á̰ ń m̄-rāā ní. Ba sḭḭ̄ ń ndiī ngɔr̄ ní, á̰a̰ ī-gerī kadə̄ i tɔ́gə́ḿ.

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

PĀ GƏ̄ 24:1

Pā yā Dabid. Dɔ nang i yá̰a̰ yā Kɔ́ɔ̄ɓē ō, yá̰a̰ malang kə́ tū tə́ i yān ō. Dɔ nang kə taá malang i yá̰a̰ yā Kɔ́ɔ̄ɓē ō, de kə́ tū tə́ gə̄ malang i deē yān gə̄ ō.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

NGÉ SARYA 5:3

Sḭḭ̄ mban̄g gə̄ kə ngār gə̄ ī-nelī mbīsí majə. m̄-ndigə kə́nā pā tām̄ yā Kɔ́ɔ̄ɓē tə́. m̄-ndigə kɔsə gɔn Kɔ́ɔ̄ɓē Nə́ɓā yā Israel.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

IJAI 48:16

Ī-ndɔ́tī kə̄ rɔ̄ḿ tə́ ba ōōī: M-ə́lá gír kɔr̄ najə̄ loo mundə̄ tə́ aĺ i ta kəla gíŕ tə́ nú. Dan ń yá̰a̰ gə̄ ń toō rāān̄ yá̰á̰ ní, mā i noó. Ba ngɔlaā ní, Kɔ́ɔ̄ɓē Nə́ɓā əlam̄ ō, ni-adə̄m̄ Ndílən ō.

EJEKIEL 38:17

Najə̄ ń mā Kɔ́ɔ̄ɓē Nə́ɓā m-ə́dá ní n toó: Kété ní m-ɔ̄r̄ najə̄ yāí i kə ta kūl̄ ngé kəla yāḿ gə̄ ń i ngé koō ta gə̄ kə́ Israel tə́ ní. Asə ɓāl̄ ngá̰ý kɔ̄ɔ́ ta n nin̄ a ədanə̄ń na m-ā m-ə́laī kənī gír deē yāḿ gə̄ rɔ̄ɔ̄ tə́ ní.

ABƏDIAS 1:1

Yá̰á̰ ń Kɔ́ɔ̄ɓē Nə́ɓā ɔjə Abədias adə̄ ger̄ kə ta kūl̄ yá̰á̰ ń ni a̰ā̰ ní n toó. Najə̄ ń ni-ɔr̄ dɔ ɓē kə́ Edom tə́ ní n toó: Kɔ́ɔ̄ɓē ədají najə̄ ń nge kəla kógə̄ḿ aw̄ń yā kəda nápar de kə́ rang gə̄ ní adə̄ j-oō, najə̄ ní n toó: Ḭḭī dɔɔ́, ādə̄ j-aw̄ j-ənī ɓē kə́ Edom rɔ̄ɔ̄!

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?