IJAI 33:6 - Bibəl ta Sar̄

⁶ Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

Bible sar

⁶ Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

IJAI 33:6 Referans Kwoze

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

Gōsə̄ najə̄ gə̄ 19:23

Ɓōĺ ndíĺ Kɔ́ɔ̄ɓē a rāā kadə̄ deē ndi kə kumneé ō, a rāā kadə̄ yá̰a̰ gə̄ ń kemən gḛy ní a əngedə́ ngá̰ý ō, a rāā kadə̄ deē ɓīī ndɔ̄ɔ́ kanjə̄ kadə̄ yá̰á̰ kə́ to kum kaȳ aĺ kógə̄ḿ teē dɔn tə́ ō.

1 TIMOTE 6:6

Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

Gōsə̄ najə̄ gə̄ 14:27

Ɓōĺ ndíĺ Kɔ́ɔ̄ɓē a rāā kadə̄ deē ndi kə kumneé! A rāā kadə̄ deē tūr̄ gidən kɔ̄ɔ́ ta gūmbə̄ yā yo tə́.

PĀ GƏ̄ 28:8

Kɔ́ɔ̄ɓē i tɔ́gə yā gír deē yān gə̄, ni i loo ɓɔ̄ɔ̄ rɔ̄ kə́ ngan̄g ngá̰ý kə́ ajə mban̄g yān.

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

KOHELET 7:12

Ni a əndā deē loo kə́ yá̰á̰ kə́ majaĺ a rāān tū tə́ aĺ tə́ tītə̄ yā nar beé. Ni i nge rāā kadə̄ ngé kəngen gə̄ ndin̄ ta kaw̄ jóo.

Gōsə̄ najə̄ gə̄ 28:2

Ré de kə́ kem ɓēé gə̄ malang əsōn̄ wōn̄g anī, ngār gə̄ i ngá̰ý. Banī yá̰a̰ njə̄rā kə gōó i kə ta kūl̄ de kógə̄ḿ kə́ kemən ger̄ najə̄ ō, ni ger̄ yá̰a̰ ō.

Gōsə̄ najə̄ gə̄ 15:16

Ndi ndoō ba ɓōĺ ndíĺ Kɔ́ɔ̄ɓē i só tə́ ngá̰ý tɔȳ kənge yá̰á̰ ngá̰ý ba ndi kə sōlōó.

PĀ GƏ̄ 140:7

M-ə́dá Kɔ́ɔ̄ɓē na: Ḭ̄ i Nə́ɓā yāḿ! Kɔ́ɔ̄ɓē, ī-nēl̄ mbīí ōoń ndūḿ loo rāāī ɓɔ́ tə́.

PĀ GƏ̄ 45:4

Go̰ rɔ̄, ī-do̰ō̰ kaskar yāí dɔ ɓúrí tə́, i rī ɓār̄ yāí ō, i yá̰á̰ súū rɔ̄ yāí ō.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

Gōsə̄ najə̄ gə̄ 29:4

Mban̄g rāā adə̄ ɓē ndi majə i kə ta kūl̄ yá̰á̰ kə́ súmūú, banī nge taā tīr̄ kadə̄ al̄ naā i nge nujə ɓē.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

Gōsə̄ najə̄ gə̄ 14:26

Kənā wur mámák kógə̄ḿ kə́ tɔ́gən i ngá̰ý i tū ɓōĺ ndíĺ Kɔ́ɔ̄ɓē tə́. Ni i loo ɓɔ̄ɔ̄ rɔ̄ kógə̄ḿ kə́ tām̄ yā ngánən gə̄ tə́.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 33:20

Á̰a̰ ɓē kə́ Jerusalem, á̰a̰ ɓē kə́ Siyo̰, ɓē rāā pétə yājí gə̄. Ni a to ta kumií tə́ i tītə̄ loo kə́ deē ndi tū tə́ anī a sōl̄ yá̰á̰ kógə̄ḿ alé beé, i tītə̄ kújə tandā kə́ deē a ndɔ́təń to̰ alé beé. Deē a ró̰ȳ kāgə̄ njan gə̄ kə́ kənda nang tə́ aĺ i kə́ bátə́ gə̄ tə́, deē a tútə kəlān gə̄ aĺ bátə́.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

IJAI 51:14

Dəngáý ń əndā kemən dɔ yá̰á̰ kógə̄ḿ tə́ to̰ aĺ ní, a əya̰nən̄ dɔɔ́ ngɔr. Ni a oy kem kújə dəngáy yān tə́ aĺ ō, a nal̄ yá̰a̰ kəsa to̰ aĺ ō.

Makətūbə̄ yā Job 4:6

I dan ń ī-ndi majə ní ngóy n ā ī-ɓōĺ Nə́ɓā ní a? I yá̰a̰ gə̄ ń ə̄ndā kemií dɔdə́ tə́ ní ngóy n əndān̄ ngəra hálí kə́ majə ní a?

Gōsə̄ najə̄ gə̄ 2:5

anī ā ī-ger̄ loo ɓōĺ ndíĺ Kɔ́ɔ̄ɓē ō, ā ī-ger̄ Nə́ɓā ō.

Gōsə̄ najə̄ gə̄ 14:24

Yá̰a̰ kənge i jākā mbang yā ngé kum kedə̄ gə̄, yā de kə́ mbóo gə̄ i kur̄ dɔ kə́ gətóó ngándáńg.

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

HABAKUK 2:14

A̰á̰ā̰, de gə̄ malang a gerə̄n̄ kɔsə gɔn yā Kɔ́ɔ̄ɓē. Kɔsə gɔn ní a taā loo malang dɔ nang tə́, tītə̄ ń man̄ rosəń kem kār̄ bā bo gə̄ tə́ ní.