IJAI 33:5 - Bibəl ta Sar̄

⁵ Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

Bible sar

⁵ Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

IJAI 33:5 Referans Kwoze

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

Makətūbə̄ ń Pol ndang adə̄ Rom gə̄ ní 11:26

Loo ń noō tə́ ngán Israel gə̄ malang a ajən̄. Tītə̄ ń makətūbə̄ yā Nə́ɓā ədań ní, ndangən̄ na: Nge gān̄g dɔ de gə̄ a teē i kem ɓē kə́ Siyo̰ tə́. Ni a ɔr̄ háĺ ngán Jakob gə̄ ń i hál rāā yá̰a̰ kə gō ń Nə́ɓā ndigə alé ní kɔ̄ɔ́.

Makətūbə̄ ń Pol ndang adə̄ Rom gə̄ ní 3:26

Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

IJAI 33:10

Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

IJAI 32:1

Mbang kógə̄ḿ kə́ a o̰o̰ ɓē i kə yá̰a̰ rāā kə́ gōtə́ a ndi. Ngār gə̄ a ɔrən̄ de gə̄ ta róbə i kə ɓōĺ gidə yá̰á̰ kə́ súmūú.

IJAI 28:6

Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

IJAI 12:4

Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

PĀ GƏ̄ 123:1

Pā kə́ yā kaw̄ń loo kə́ táĺ tə́. Kɔ́ɔ̄ɓē, ḭ̄ ń kōr̄ kāgə̄ mbang yāí ndi dɔ rā̰ tə́ ní, m-ə̄nī kumḿ kə̄ dɔɔ́ m-á̰a̰ń loo kə̄ rɔ̄í tə́.

PĀ GƏ̄ 118:16

Kɔ́ɔ̄ɓē əla jī ko̰n kə̄ dɔɔ́! Jī Kɔ́ɔ̄ɓē kə́ ko̰ó̰ rāā yá̰á̰ kə́ to kɔsə gɔn!

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

Teē Ngán Israel gə̄ 15:6

Kɔ́ɔ̄ɓē, tɔ́gə jī ko̰í i ngá̰ý, I tɔ́gə jīí ngeé ń toō n a tə̄ndā madə̄ ba̰ā̰í gə̄ a tḭ̄ḭ̄də́ kɔ̄ɔ́ ní.

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 33:4

Loo ń noō tə́ kɔy yá̰a̰ kənge dɔ gúú tə́ əla gír. De gə̄ ton̄ tītə̄ yim̄ gə̄ beé. De gə̄ urən̄ naā kə̄ dɔ yá̰a̰ kənge gə̄ tə́ tītə̄ yim̄ gə̄ kə́ ton̄ tītə̄ kil̄ man̄ beé.

IJAI 56:1

Yá̰á̰ ń Kɔ́ɔ̄ɓē əda ní n toó: Ī-ɓōlíī gidə yá̰á̰ kə́ súmūú, ī-rāāī yá̰á̰ kə́ gōtə́. Gān̄g dɔ ń m̄-reēń ní, dɔ to ngɔr, ā ī-teēī dɔ tə́ kadə̄ m̄-ndigə kajəsí.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.