IJAI 33:2 - Bibəl ta Sar̄

² Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

Bible sar

² Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

IJAI 33:2 Referans Kwoze

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 60:11

I náā n a aw̄ seḿ ɓē kə́ ngan̄g tə́ ní? I náā n a aw̄ seḿ bátə́ yā kugə̄ seḿ dɔ nang kə́ Edom tə́ ní?

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

PĀ GƏ̄ 62:1

Pā kə́ kem makətūbə̄ yā ngār yā gōsə̄ pā gə̄ tə́. I kə gō míndə Yedutun. I pā yā Dabid.

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

Teē Ngán Israel gə̄ 14:27

Moijə əla jīn kum kə̄ dɔ bā bo tə́. Dan ń loo a rāā yā tīī anī, bā bo tél aw̄ kem kārə̄n tə́ gogə́ gotən tə́. De kə́ Ejiptə gə̄ ń a a̰ȳn̄ naā ní əngen̄ man̄ nodə́ tə́ banī Kɔ́ɔ̄ɓē mbəredə́ kə̄ kum tə́.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

NŌŌ RƆ̄ 3:23

Ḭ̄ ə́lá gír rāā kem majə i dəloí kə dɔ ndɔ̄ gə̄ ō, ḭ̄ i de kə́ nge ra dɔ ndūí tə́ ō.

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

IJAI 40:10

Kɔ́ɔ̄ɓē Nə́ɓā n toó. Ni-reē i kə tɔ́gɔ́. Ngan̄g yān asə kadə̄ o̰o̰ń ɓē. Ni-reē kə yá̰á̰ ń ni-ənge ní, yá̰á̰ ń əndānəń njan tām̄ kəla ń ni-rāā tə́ ní, ni reēń.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

PĀ GƏ̄ 123:2

Adə̄ jə-to i tītə̄ ɓəlo kə́ dəngam gə̄ kə́ ndi a ngóōn̄ ta jī kɔ́ɔ̄də́ kə́ dəngam gə̄ ō, ɓəlo kə́ dəyá̰ kə́ ndi a ngóō ta jī kɔ́ɔ̄n kə́ dəyá̰ ō. Rɔ̄kum j-un kumjí kə̄ dɔɔ́ j-a̰a̰ń loo ɗek ɗek kə̄ rɔ̄ Nə́ɓā yājí tə́, jə-ngóōń tan kadə̄ a̰a̰ kum tō ndoō yājí.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 90:15

Ḭ̄ ə́la rɔ̄sɔl̄ dɔjí tə́ dan i ngá̰ý. Ngɔlaā ní ādə̄jí ɓāl̄ gə̄ kə́ rɔ̄jí nel̄jí kemeé gə̄, ādə̄ asən̄ naā kə ɓāl̄ gə̄ ń yá̰á̰ kə́ to kum kaȳ aĺ gə̄ rāān̄neéjí ní.

PĀ GƏ̄ 62:5

A̰á̰ā̰, nin̄ sāān̄ mbəre kənīn, i najə̄ loo kə́ bo ń ni-ndi tū tə́ ní tə́. Nel̄də́ sor̄ ngá̰ý, a tɔ́rə̄n̄ tadə́ dɔ de gə̄ tə́ i kə tadə́, banī kemdə́ a ndɔ̄ĺ de gə̄.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

PĀ GƏ̄ 37:39

I Kɔ́ɔ̄ɓē n i nge kajə de kə́ súmūú gə̄ ní, ni i loo ndidə́ kə́ ngan̄g ngá̰ý ndɔ̄ ń a ngangə̄ń sedə́ tə́ ní.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

PĀ GƏ̄ 143:8

Ədam̄ najə̄ kə́ dɔ kem majə yāí tə́ dəloí ɓatə, tɔdɔ̄ m-ə̄ndā kemḿ dɔí tə́. Ɔ́jəm̄ róbə́ ń kadə̄ m-úń ní, tɔdɔ̄ m̄-tūr̄ rɔ̄ḿ kə̄ rɔ̄í tə́.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

IJAI 17:10

Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

PĀ GƏ̄ 33:22

Kɔ́ɔ̄ɓē, j-əndā kemjí dɔí tə́ kə ngangá ngá̰ý ní ī-rāā kem majə sejí!

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.