IJAI 33:16 - Bibəl ta Sar̄

¹⁶ Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

Bible sar

¹⁶ Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

IJAI 33:16 Referans Kwoze

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

Gōsə̄ najə̄ gə̄ 1:33

Banī deē ń oō najə̄ yāḿ ní a ndi kanjə̄ sōl̄ yá̰á̰ kógə̄ḿ, a ndi jəke kanjə̄ sōl̄ yá̰á̰ kə́ to kum kaȳ aĺ.

HABAKUK 3:19

Kɔ́ɔ̄ɓē Nə́ɓā i tɔ́gə́ḿ. Ni rāām̄ adə̄ m-ɔ́l tītə̄ dul beé ō, rāām̄ ādə̄ m̄-njə̄rā dɔ loo kə́ kḭḭ kə̄ dɔɔ́ gə̄ tə́ ō.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 111:5

Ni-adə̄ deē ń ɓōĺ ndílən ní yá̰a̰ kəsa. Əga kemən dɔ madə̄ naā yān tə́ ngándáńg.

PĀ GƏ̄ 107:41

Banī ni un nge rɔ̄ tō ndoō kɔ̄ɔ́ kum ndoō kə́ ngá̰ý aĺ naā tə́ ō, rāā adə̄ gír kojə gə̄ ojən̄ naā ngá̰ý tītə̄ ɓūtə̄ yá̰a̰ kuĺ gə̄ ō.

PĀ GƏ̄ 90:1

Ndɔ̄ȳ yā Moijə, deē yā Nə́ɓā. Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yājí kə dɔ ɓāl̄ gə̄ kə dɔ ɓāl̄ gə̄ ní.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 18:33

I ni n adə̄m̄ tɔ́gə́ á m̄-rāań yá̰á̰ ní. Ni-rāā adə̄ kəla rāāḿ udə gírí majə.

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

PĀ GƏ̄ 34:10

Sḭḭ̄ ń Kɔ́ɔ̄ɓē ɔr̄ kam̄sí tayā tām̄ yān tə́ ní, ī-ɓōlíī ndílən! Tɔdɔ̄ ngé gə̄ ń ɓōlə́n̄ ndílən ní a nalə̄n̄ yá̰á̰ kógə̄ḿ alé.

PĀ GƏ̄ 15:1

I pā yā Dabid. Kɔ́ɔ̄ɓē, i náā n a asə kadə̄ ə́hɔn kə̄ rɔ̄í tə́ kem kújə yāí tə́ ní? I náā ń a ndi dɔ mbal̄ kə́ táĺ yāí tə́ ní?

MATIYE 6:11

Ādə̄jí yá̰a̰ kəsa yājí kə́ ɓōólaā.

Gōsə̄ najə̄ gə̄ 10:9

De kə́ nge rāā yá̰á̰ kə gōó i de kə́ sōl̄ yá̰á̰ kógə̄ḿ alé, banī gír de kə́ nge rāā yá̰a̰ kə gōó alé a teē dɔɔ́.

IJAI 58:14

Loo ń noō tə́ ā ə́nge rɔ̄nel̄ yāí i kemḿ mā tə́. M-ā m̄-rāā kadə̄ ā ī-mān̄ tītə̄ nge tetə rɔ̄ɔ̄ beé dɔ mbal̄ bo gə̄ kə́ kem ɓēé tə́. Dɔ nang ń kaaí Jakob ənge kə́ yá̰a̰ halan tə́ ní, m-ā m̄-rāā kadə̄ ā ə́ngé yá̰a̰ tū tə́. Yá̰á̰ ń Kɔ́ɔ̄ɓē ənī ndūn yā rāā ní n noó.

JEREMI 37:21

Tā anī mban̄g Sedekias əda kadə̄ Jeremi rāā dəngáy i ndágə loo ngɔ̄m̄ ta kújə yā mban̄g tə́ ō, kadə̄ kə dɔ ndɔ̄ gə̄ anī kə adə̄nən̄ mápá kə́ gōr̄ kə́ kḭḭ róbə yā ngé kɔr̄ mápa gə̄ tə́ bátə́ kadə̄ mápa təgāń kɔ̄ɔ́ kem ɓēé malang. I beé n Jeremi ndiń ndágə loo ngɔ̄m̄ ta kújə yā mban̄g tə́ ní.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

1 MBAN̄G GƏ̄ 19:6

Anī ni-a̰a̰ mápá kə́ laa ń a ɔbə̄n̄ i dɔ mbal̄ kə́ kənī horoó kadə̄ təngá tə́ ní to kadən tə́ ngɔr ō, jóo man̄ ō. Dan ń ni-əsa mápá ní oy ō, a̰ȳ man̄ ní oy ō anī, tél to nang tə́ gogə́.

PĀ GƏ̄ 62:7

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ m-ā m̄-yéȳ alé.

IJAI 30:20

Dan ń wur kɔl a əsō dɔsí tə́ anī, Kɔ́ɔ̄ɓē a adə̄sí yá̰a̰ kəsa. Dan ń a rāān̄ kumsí ndoō tə́ anī, ni a adə̄sí man̄ kadə̄ ā̰yī. Nge ndóōí yá̰a̰ a ɓɔ̄ɔ̄ rɔ̄n to̰ alé, adə̄ ā ásə ka̰a̰n kə kumií karī.