IJAI 33:10 - Bibəl ta Sar̄

¹⁰ Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

Bible sar

¹⁰ Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

IJAI 33:10 Referans Kwoze

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

IJAI 10:33

Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, tétə̄ ta jī kāgə̄ gə̄ kə tɔ́gɔ́. Gángə̄n̄ kāgə̄ kə́ bo tɔȳ madə̄ gə̄ kɔ̄ɔ́, mbə́rēn̄ ngé kə́ ngāl̄ tɔȳ madə̄ gə̄ tə́nīn̄də́ nang tə́.

IJAI 10:16

I tām̄ najə̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a rāā kadə̄ yá̰a̰ kənge yā gō nang gə̄ kə́ yá̰a̰ kənge i ngá̰ý tū tə́ gə̄ tél kə̄ nang tə́ ní. Hor kógə̄ḿ a taā loo gír majədə́ tə́ gírí nang tə́, tītə̄ hor kə́ o̰o̰ loo beé.

PĀ GƏ̄ 78:65

Kɔ́ɔ̄ɓē ndól̄ tītə̄ de kə́ ndól̄ dɔ ɓīī tə́ beē, tītə̄ go̰ rɔ̄ɔ̄ kə́ kasə gán̄g kumən tə́ beē.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

PĀ GƏ̄ 7:6

anī ādə̄ madə̄ ba̰ā̰ḿ ngɔ̄də̄ əhɔm̄ ō, ənīm̄ nang tə́ kum bumbə́ru tə́ ba tə́ɓām̄ kə njaneé ō, əlań rɔ̄sɔl̄ dɔḿ tə́.

Teē Ngán Israel gə̄ 14:18

Ré n-ɔsə gɔnən nəkɔ́ tītə̄ ń noō anī, de kə́ Ejiptə gə̄ na a gerə̄n̄ kadə̄ ni i Kɔ́ɔ̄ɓē.

IJAI 2:21

Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

PĀ GƏ̄ 94:16

I náā n a ḭḭ yā mbātə́ najə̄ gō ngé kem ndul gə̄ ń noō tə́ yā rɔ̄ɔń dɔḿ tə́ ní? I náā n a ḭḭ yā kənī najə̄ gírə́ḿ tə́ yā rɔ̄ɔń kə ngé rāā majaĺ gə̄ ń noō ní?

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.