IJAI 33:1 - Bibəl ta Sar̄

¹ Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

Bible sar

¹ Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 33:1 Referans Kwoze

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

IJAI 24:16

J-oō pā ń toō ta ngóy dɔ nang tə́: Kɔsə gɔn i yā Nə́ɓā kə́ nge rāā yá̰á̰ kə́ gōtə́! Banī mā m-ə́da na: Taḿ tḭ̄ḭ̄ kɔ̄ɔ́, taḿ tḭ̄ḭ̄ kɔ̄ɔ́, i yá̰á̰ kə́ to kum kaȳ aĺ kə́ ba̰ý beē tām̄ yāḿ mā tə́! Ngé tél kɔ̄ɔ́ gō de gə̄ tə́ gə̄ teēn̄ kə gír madə̄də́ gēé dɔɔ́. Teē kə gír naá dɔɔ́!

JEJU TEĒ KUM JA̰A̰ 17:17

Tɔdɔ̄ Nə́ɓā na rāā adə̄ kemdə́ gḛy rāā yá̰á̰ ń ni-núm̄ ní. Gír̄ yādə́ i kógə̄ḿ beē: I kadə̄ ko̰o̰ ɓē yādə́ rāā kəla adə̄ dā̰ ní, bátə́ kadə̄ najə̄ ń Nə́ɓā əda ní reē udəń gírí.

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

IJAI 17:14

Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

NGÉ SARYA 1:7

Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé Jerusalem adə̄ ni-oy i noó.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

NGÉ SARYA 9:23

Gō tə́ anī Nə́ɓā əla ndíĺ kə́ majaĺ mbo̰ō̰də́ tə́ kə de kə́ Sisem gēé, adə̄ de kə́ Sisem gə̄ ḭḭ mbātə́n̄ Abimelek

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

IJAI 31:8

A tə́gān̄ Asiri gə̄ kə kaskaraá adə̄ ni a əsōn̄, ba kaskar ní tá i yā de gə̄ alé. Kaskar ń a nujən ní i yā deē ndul alé. Asiri gə̄ a a̰ȳn̄ naā no kaskar ní tə́ ō, balsáa yādə́ kə́ ngé rɔ̄ɔ̄ gə̄ a rāān̄ kəla ngámba dɔ gúú tə́ ō.

IJAI 48:8

Sḭḭ̄ ōōī alé, sḭḭ̄ ī-gerī yá̰á̰ kógə̄ḿ alé. Əla gír i jóó ngá̰ý n sḭḭ̄ ə̄ndāiń kumsí gíŕ yá̰á̰ tə́ to̰ aĺ ní. m̄-ger̄, sḭḭ̄ i ngé tél kɔ̄ɔ́ gō de gə̄ tə́ gə̄ ō, a ɓārə́n̄sí na i ngé kəsō wōn̄g gə̄ kə́ əlan̄ gír kəsō wōn̄g i ndɔ̄ kojədə́ tə́ ō.

EJEKIEL 39:10

Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.