IJAI 32:9 - Bibəl ta Sar̄

⁹ Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ḭ́ḭḭ̄ dɔɔ́ ba ōōī najə̄ yāḿ! Sḭḭ̄ ngáń kə́ dəyá̰ gə̄ ń ī-taāī kem rɔ̄sí mámák ní, ōōī najə̄ kɔrə̄ḿ gə̄!

Bible sar

⁹ Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ḭ́ḭḭ̄ dɔɔ́ ba ōōī najə̄ yāḿ! Sḭḭ̄ ngáń kə́ dəyá̰ gə̄ ń ī-taāī kem rɔ̄sí mámák ní, ōōī najə̄ kɔrə̄ḿ gə̄!

IJAI 32:9 Referans Kwoze

MATIYE 13:9

Náā nəkɔ́ ń i kə mbīneé yā koōń loo anī, ādə̄ oō.

IJAI 28:23

Ī-teēī mbīsí ōōīń najə̄ yāḿ! Ə̄ndāī kumsí gír najə̄ kɔrə̄ḿ gə̄ tə́ majə!

IJAI 3:16

Kɔ́ɔ̄ɓē əda na: Dəyá̰ kə́ mandə gə̄ kə́ Siyo̰ əndan̄ gúúdə́. Nin̄ njə̄rān̄ ɓáa ə́lan̄ míndə́də́ kə̄ kété, sāān̄ kadə̄ de gə̄ reēn̄ rɔ̄də́ kə ta kūl̄ ka̰a̰ loo yādə́. Nin̄ njə̄rān̄ ɓáa unən̄ njadə́ sḛ́ý beē ba rāān̄ adə̄ kōō nə̄ngá gə̄ kə́ dɔ kúkə̄lú njadə́ gə̄ tə́ ɓār̄.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

NŌŌ RƆ̄ 4:5

Ngé kəsa yá̰á̰ kə́ majə gə̄ nujən̄ sák sák kɔ̄ɔ́ kum róbə kɔsə gə̄ tə́. Ngé ndi majə ngá̰ý gə̄ ndəlen̄ yá̰a̰ kəsa dɔ bū loo tə́.

NGÉ SARYA 9:7

Ədan̄ Yotam najə̄ ní, adə̄ aw̄ ra dɔ mbal̄ Garijim tə́ ba un ndūn kə̄ dɔɔ́ ədań najə̄: Sḭḭ̄ de kə́ bo kə́ Sisem gə̄ ōōī najə̄ kɔrə̄ḿ ō, ādə̄ Nə́ɓā oō najə̄ kɔr̄sí ō.

NDŪ NAJƏ̄ 28:56

Dan ń madə̄ ba̰ā̰í gə̄ a rɔ̄ɔ̄nī á nin̄ gīrə̄n̄ gidə ɓē yāí əlan̄ ta naā tə́ adə̄ ndoō kə́ ngá̰ý əsō dɔí tə́ kem ɓē yāí gə̄ tə́ ní, dəyá̰ kə́ mbo̰ō̰í tə́ ń tár rɔ̄n ngá̰ý ō, kumən o̰o̰n tɔdɔ̄ rɔ̄n ngá̰ý tɔȳ madə̄n gə̄ ō ní, a rāā tītə̄ ń noō ō. Ni ń tár rɔ̄n ngá̰ý adə̄ da njan gə̄gē ndigə kəndā nang tə́ aĺ ní, a a̰a̰ ngaan ō, ngōnən kə́ dəngam ō, kə́ dəyá̰ ō i kə kumən kə́ majaĺ, tām̄ ni a ndigə kadə̄də́ kɔw ń teē kemən tə́ ní aĺ ō, a ndigə kadə̄də́ ngán kemən gə̄ ń ni ojədə́ ní aĺ ō, a əsadə́ i loo mundə̄ tə́ jəke jəke.

PĀ GƏ̄ 123:4

Lur yā ngé ɓōĺ ndíl de gə̄ aĺ gə̄ ō, kídə̄ loo yā ngé kɔjə rɔ̄ gə̄ ō ní, asəjí nák kɔ̄ɔ́.

JEREMI 9:20

Tɔdɔ̄ yo al̄ ko̰rō̰ kújə yājí kə́ majə ngá̰ý gə̄ tə́, ba udə kemeé. Ni-reē tɔ̄l̄ ngán gə̄ kum róbó ō, tɔ̄l̄ balsáa gə̄ ndágə loo gə̄ tə́ ō.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.