IJAI 32:2 - Bibəl ta Sar̄

² Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

Bible sar

² Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 32:2 Referans Kwoze

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

IJAI 43:20

Dā̰ kə́ bembeé gə̄, tal̄ gə̄ kə burum gə̄ a rɔȳmə̄n̄, tɔdɔ̄ m̄-rāā adə̄ man̄ nūgə́ dəla loo tə́, bā gə̄ nūgə́n̄ loo kə́ tutə ń toō tə́. A̰á̰ā̰, gír de gə̄ ń m̄-gə̄rādə́ ní, m̄-ndigə kadə̄də́ man̄ kadə̄ a̰ȳn̄.

IJAI 41:18

M-ā m̄-rāā kadə̄ bā gə̄ nūgə́n̄ loo kə́ kḭḭ kə̄ dɔɔ́ gə̄ kə́ kāgə̄ gə̄ gətóon̄ tū tə́ tə́ ō, m-ā m̄-rāā kadə̄ man̄ kə́ əɓa nang tə́ gə̄ nūgə́n̄ kum wól gə̄ tə́ ō. M-ā m̄-tūr̄ dəla loo kadə̄ tél dang man̄ kə́ bo ō, m-ā m̄-tūr̄ loo kə́ mángá kadə̄ tél loo kə́ man̄ i tū tə́ ō.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

PĀ GƏ̄ 143:9

Kɔ́ɔ̄ɓē, ī-gān̄g dɔḿ jī madə̄ ba̰ā̰ḿ gə̄ tə́. m̄-rāāī i loo ɓɔ̄ɔ̄ rɔ̄ yāḿ tə́.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

PĀ GƏ̄ 63:1

Pā yā Dabid. Kum pā ní ɔr̄ i najə yā Dabid, dan ń ni ndiń kem dəla loo kə́ Juda tə́ ní.

PĀ GƏ̄ 32:7

Ḭ̄ i loo ɓɔ̄ɔ̄ rɔ̄ yāḿ, ādə̄ yá̰á̰ kə́ to wur kɔl əngem̄ alé. Ḭ̄ ī-gān̄g dɔḿ adə̄ m-ə̄nī pā rɔ̄nel̄ m-ɔ́səń gɔnií.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 16:3

De kə́ Moab gə̄ dəjen̄ Jerusalem na: Ādə̄jí kɔjə̄, ún ndūí yā rāā yá̰á̰ kógə̄ḿ, ūtə̄ gidəjí dan kadaá yā ngɔ̄məńjí, tītə̄ loo kə́ ndɔ̄ɔ́ kə́ ənī til dɔ loo tə́ beē. Ī-ɓɔ̄ɔ̄ dɔ mā̰ȳ rɔ̄ɔ̄ yājí gə̄. Ngé gə̄ ń a̰ȳn̄ naā ní, ī-lōō teē kə gíŕdə́ dɔɔ́.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

JEREMI 33:14

Ndɔ̄ gə̄ ń a reēn̄ noō tə́ ní, m-ā m̄-rāā yá̰á̰ ń m-ə̄nī ndūḿ yā rāā kadə̄ ngán Israel gə̄ ō, ngán Juda gə̄ ō ní. Najə̄ ń Kɔ́ɔ̄ɓē əda ní n noó.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.